BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

«سارىارقا» گاز قۇبىرى جوباسىنىڭ قارجىلاندىرۋ كوزدەرىن انىقتاۋ ماۋسىمدا اياقتالادى – ۇەم

فوتو: DalaNews

بۇگىن ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ پرەزيدەنتتىڭ بەس الەۋمەتتىك باستاماسىنىڭ بەسىنشى باعىتىن ىسكە اسىرۋ جۇمىستارى قالاي جۇزەگە اسىرىلاتىرىن ٴتۇسىندىردى، دەپ حابارلايدى baq.kz ٴتىلشىسى.

ۇلتتىق ەكونوميكا ٴمينيسترى ۇكىمەت باسشىسى باقىتجان ساعىنتايەۆتىڭ قاراۋىنا ەلباسى نۇرسۇلتان نازاربايەۆ ۇسىنعان پرەزيدەنتتىڭ بەس الەۋمەتتىك باستاماسىن ىسكە اسىرۋ جونىندەگى جول كارتاسى جوباسىن ۇسىندى. وسى ورايدا تيمۋر سۇلەيمەنوۆ ەلدى گازبەن قامتاماسىز ەتۋ جوباسىنا توقتالدى.

«بەسىنشى باعىت – ەلدى گازبەن قامتاماسىز ەتۋ. نەگىزگى ورىنداۋشى – ەنەرگەتيكا مينيسترلىگى. اتالعان باعىت، «سارىارقا» ماگيسترالدى گاز قۇبىرىنىڭ ٴبىرىنشى كەزەڭىن قارجىلاندىرۋ سحەمالارى جانە شارتتارى ماۋسىم ايىندا ايقىندالادى»، - دەدى مينيستر.

وسى ورايدا ول اتالعان جوباعا ەۋروپا قايتا قۇرۋ جانە دامۋ بانكى، ەۋرازيا دامۋ بانكى جانە باسقا دا حالىقارالىق قارجى ۇيىمدارىنىڭ قاراجاتىن تارتۋ جوسپارلانىپ وتىرعانىن اتاپ ٴوتتى.

سونىمەن قاتار، تيمۋر سۇلەيمەنوۆ الداعى ۋاقىتتا جەرگىلىكتى اكىمدىكتەر گاز قۇبىرىن تارتۋ ٴۇشىن ٴتيىستى جەر ۋچاسكىلەرىن بەرەتىنىن جەتكىزدى.

«اكىمدەر ماۋسىم ايىندا ماگيسترالدى گاز قۇبىرى جەلىسى بويىنشا جەر ۋچاسكىلەرىن بولەدى. اتالعان جوبانىڭ قۇرىلىسى وسى جىلدىڭ شىلدە ايىندا باستالادى. ال كەلەسى جىلدىڭ جەلتوقسانىندا گاز قۇبىرىنىڭ قۇرىلىسىن اياقتاۋ جوسپارلانعان»، - دەدى ول.

سونداي-اق، ۇلتتىق ەكونوميكا ٴمينيسترى ەلباسى نۇرسۇلتان نازاربايەۆ ۇسىنعان پرەزيدەنتتىڭ بەس الەۋمەتتىك باستاماسىن ىسكە اسىرۋ ٴۇشىن ازىرلەنگەن جول كارتاسى 35 ٴىس-شارادان تۇراتىنىن مالىمدەدى. ونىڭ ايتۋىنشا، مەملەكەت باسشىسىنىڭ جاڭا باستامالارىن ىسكە اسىرۋ ٴۇشىن 3 كودەكسكە جانە 12 زاڭعا، ۇكىمەتتىڭ 6 قاۋلىسىنا، ۇلتتىق بانكتىڭ 3 قاۋلىسىنا وزگەرىستەر ەنگىزۋ قاجەت ەكەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي