BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

وڭتۇستىك قازاقستاندىق تاكسي جۇرگىزۋشىسى سان-فرانسيسكودا ميلليونەردى ٴتانتى ەتتى

فوتو: Айдын Рахымбаевтың Facebook-тағы парақшасынан

قازاقستاندىق بيزنەسمەن ايدىن راحىمبايەۆتى سان-فرانسيسكودا تاكسيست بولىپ جۇمىس ىستەيتىن وڭتۇستىك قازاقستان وبلىسىنىڭ ازاماتى ٴتانتى ەتتى، دەپ حابارلايدى baq.kz اقپارات اگەنتتىگى.

كاسىپكەر ايدىن راحىمبايەۆ سان-فرانسيسكودا جۇمىس ىستەيتىن قازاقستاندىق جاستارمەن كەزدەستى. بۇل تۋرالى ول ٴوزىنىڭ facebook-تاعى پاراقشاسىندا جازعان.

«46 قازاق ٴبىر جەردە! ٴارتۇرلى قالادان كەلگەن ەرەكشە جاستار جينالدى: قىزىلوردا، اقتوبە، كوكشەتاۋ، قاراعاندى، اقتاۋ، سەمەي، الماتى، پاۆلودار، استانا مەن وزگە دە ايماقتار. بۇل تالانتتى جاستار ٴتۇرلى باعدارلامالار اياسىندا اقش-تاعى ايتۋلى وقۋ ورىندارىندا ٴبىلىم الۋدا، ونىڭ ىشىندە بولاشاق باعدارلاماسى دا بار. مۇنداعى ٴبىزدىڭ جاستار google سياقتى ٴتۇرلى ازۋلى كومپانيالاردا جۇمىس ىستەيدى. شىنىمدى ايتسام ەلىمىزدىڭ ٴورشىل اقىلدى جاستارىن كورىپ قۋانىپ قالدىم»، - دەپ جازدى راحىمبايەۆ facebook-تاعى پاراقشاسىنا.


سونىمەن قاتار، كاسىپكەر وسى كەزدەسۋدە ورىن العان قىزىقتى جاعدايمەن دە ٴبولىستى.

«ٴبىزدىڭ جاستارمەن كەشەگى كەزدەسۋىمىزدە ٴارقايسىسى تۇرىپ وزدەرىنىڭ قايدا جۇمىس ىستەيتىنىن، قايدا وقيتىنىن ايتىپ، تانىستىرىپ جاتتى. بەركلي — قارجى، قۇقىق… ستەنفورد — ينجەنەريا، دوكتورانتۋرا، ماگيستراتۋرا، google — قارجى، جۇيەلىك اكىمشى. مىنە وسى كەزدە قاتتى كەشىگىپ ٴبىر جاس بالا كىرىپ كەلدى. اقش-تا نەمەن اينالىساسىڭ دەگەن سۇراققا «uber دە iستەيمiن!» دەپ جاۋاپ بەردى. بارلىعىمىز قانداي ىسكەر جىگىت ەكەن، وعان قوسا سۇراققا قازاقشا جاۋاپ بەرەدى دەپ تاڭعالدىق»، - دەيدى راحىمبايەۆ.


ونىڭ ايتۋىنشا، بۇل بالا كەلگەن قوناقتاردىڭ ٴبارىن تاڭعالدىرعان، uber-دە كىم بولىپ جۇمىس ىستەيسىڭ دەگەن سۇراققا جۇرگىزۋشىمىن دەپ جاۋاپ بەرگەن.

«وسىندا قازاقتار جينالىپ جاتقانىن ەستىپ كەلدىم. ٴوزىم وڭتۇستىك قازاقستان وبلىسىنانمىن، وسى ەلگە كەلىپ وزىمە جۇمىس تاۋىپ، ەڭبەك ەتىپ جاتقان جايىم بار، دەپ قازاقشا جاۋاپ بەردى. سەنەسىزدەر مە وڭتۇستىكتىڭ قاراپايىم بالاسى، اۋدان ورتالىعىنان، اعىلشىن ٴتىلىن جارىتىپ بىلمەيدى، سان-فرانسيسكودا تاكسي جۇرگىزەدى. وڭتۇستىكتىڭ جىگىتتەرىنىڭ العىرلىعى تاڭعالدىرادى»، - دەيدى ميلليونەر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي