USD 335.71 EUR 357.36 RUB 5.23
استانا:

سالتاناتتى كۇنگە وراي ساربازدار ساپ تۇزەدى

استانا قالاسى مامانداندىرىلعان كۇزەت قىزمەتى باسقارماسىنىڭ ساپتىق الاڭىندا 1-جەلتوقسان قازاقستان رەسپۋبليكاسىنىڭ تۇڭعىش پرەزيدەنتى كۇنىنە جانە قر تاۋەلسىزدىگىنىڭ 25 جىلدىعىنا وراي سالتاناتتى جيىن ٴوتتى، دەپ حابارلايدى baq.kz ٴتىلشىسى.

جيىن باراسىندا ىشكى ىستەر ورگاندارىنا جاڭادان قابىلدانعان جاس قىزمەتكەرلەردەن انت قابىلداۋ ٴراسىمى وتكىزىلدى. كۇزەت پوليسياسى باسقارماسىنىڭ باستىعى پوليسيا پولكوۆنيگى وڭال بوتاي ۇلى پوليسەيلەردى سەرتكە بەرىك، انتقا ادال بولىپ، ناقتى قىزمەت ەتۋگە شاقىردى. مەرەكەلىك شارادا پوليسەيلەرگە ارناۋلى اتاقتار، گروماتالار جانە العىس حاتتار سالتاناتتى تۇردە تابىستالدى.

مەكەمە باستىعى اتاۋلى كۇنمەن قۇتتىقتاي كەلە، بۇگىنگى تاڭدا قىزمەتكەرلەرگە قاي جاعىنان بولماسىن بارلىق جاعداي جاسالۋدا، ۇنەمى قولداۋ كورسەتىلىپ كەلەدى دەدى ٴوز سوزىندە. وسىنىڭ ٴبارى تۇعىرى بيىك تاۋەلسىزدىكتىڭ، كەمەڭگەر ەلباسىنىڭ ارقاسىندا ەكەنىن اتاپ ايتتى.

"قازىرگى تاڭدا ساپتاعى ساربازدان باستاپ بارلىق اسكەري قىزمەتكەرلەردىڭ جاعدايلارى جاسالعان. سونىڭ نەگىزىندە ولارعا ارتقان سەنىم دە، وتان الدىنداعى ابىرويلى مىندەت تە ۇلكەن. ەلباسىمىزدىڭ قامقورلىعىنىڭ ارقاسىندا بۇگىنگى ساربازدار دا، اسكەريدەر دە ەل سەنىمىن اقتاۋعا دايىن" - دەيدى شاراعا قاتىسۋشى جاس سارباز.

شارا سوڭىندا پوليسيا قىزمەتكەرلەرى سالتاناتتى شەرۋمەن ٴجۇرىپ ٴوتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي