BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ساعىنتايەۆ سەربيالىق كاسىپكەرلەردى قازاقستانعا جۇمىس ىستەۋگە شاقىردى

فوتو: Бауыржан Жуасбаев

ۇكىمەت باسشىسى باقىتجان ساعىنتايەۆ سەربيالىق كاسىپكەرلەردى قازاقستانعا جۇمىس ىستەۋگە شاقىردى، دەپ حابارلايدى baq.kz ٴتىلشىسى.

«ٴبىز وڭدەۋشى ونەركاسىپ پەن شيكىزات سەكتورىندا ينۆەستيسيا سالۋلارىڭىزدى قولدايمىز. پرەزيدەنت جاقىندا ۇلتتىق بانككە ەكونوميكانىڭ ٴتۇرلى سالاسىنا 600 ملرد تەڭگە ٴبولۋدى تاپسىردى. بۇل – اگروونەركاسىپ كەشەنى، تاماق ونەركاسىبى، وڭدەۋشى ونەركاسىپ جانە شاعىن جانە ورتا بيزنەس سالالارى. اتالعان باعدارلاما اياسىندا سىزدەر قازاقستاندىق ارىپتەستەرىڭىزبەن بىرگە وڭدەۋشى ونەركاسىپ سالاسىندا ٴىرى كاسىپورىن اشا الاسىزدار»، - دەدى پرەمەر-مينيستر استانادا ٴوتىپ جاتقان قازاقستان-سەربيا بيزنەس فورۋمىندا.

وسى ورايدا باقىتجان ساعىنتايەۆ سەربيالىق بيزنەسمەندەر اۋىل شارۋاشىلىعى سالاسىنا دا ينۆەستيسيا سالا الاتىنىن جەتكىزدى.

«اگروونەركاسىپ كەشەنىنە دە باسا نازار اۋدارىلادى. جىل سايىن مەملەكەت اۋىل شارۋاشىعى باعدارلامالارىنا 100 ملرد تەڭگە ٴبولىپ وتىر. سىزدەر قازاقستانداعى وڭدەۋشى ونەركاسىپ سالاسىندا جۇمىس ىستەيدى دەگەن ۇمىتتەمىز»، - دەپ تۇيىندەدى ٴسوزىن ۇكىمەت باسشىسى.

ايتا كەتەيىك، بۇگىن استانادا قازاقستان-سەربيا بيزنەس فورۋمى ٴوتىپ جاتىر. وعان سەربيا پرەزيدەنتى الەكساندر ۆۋچيچ پەن قازاقستان پرەمەر-مينيسترى باقىتجان ساعىنتايەۆ قاتىسقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي