USD 336.23 EUR 360.3 RUB 5.28
استانا:

رەسپۋبليكالىق تاس جولداردى باقىلاۋ كۇشەيتىلدى 

فوتو: kazavtodor.kz

كەشە اۋارايىنىڭ كۇرت بۇزىلۋىنا بايلانىستى كولىك قوزعالىسى شەكتەلگەن «الماتى-تاشكەنت» تاس جولىنىڭ جامبىل وبلىسىنداعى بولىگىندە بۇگىن تاڭەرتەڭنەن باستاپ، قالىپتى جاعدايعا ٴتۇستى. بۇل تۋرالى baq.kz تىلشىسىنە قر ٴىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ حابارلادى.

رۋسلان يمانقۇلوۆتىڭ حابارلاۋىنشا، اۋا رايىنىڭ كۇرت سۋىتۋىنا جانە جولداعى كورىنىستىڭ ناشارلاۋىنا بايلانىستى قر توتەنشە جاعدايلاركوميتەتى دايىندىق شارالارىن كۇشەيتتى. ٴقازىردىڭ وزىندە ٴارتۇرلى توتەنشە جاعدايلاردىڭ الدىن الۋ ٴۇشىن، رەسپۋبليكا بويىنشا بارلىعى 32 مىڭ ادامنان قۇرىلعان ارنايى توپ جاساقتالدى. ولاردىڭ قاتارىندا ٴورت سوندىرۋشىلەر، جەدەل قۇتقارۋشىلار، اەروموبيلدى قۇتقارۋ جاساعى مەن دارىگەرلەر بار. قۇتقارۋ جانە كومەك كورسەتۋ جاساعى ارنايى تەحنيكالارمەن قامتاماسىز ەتىلگەن.

«جىل باسىنان بەرى رەسپۋبليكا بويىنشا 330 مىڭنان استام ادام قۇتقارىلىپ ونىڭ 34 مىڭى ارنايى مەديسينالىق كومەككە جۇگىنگەن. جالپى، سوڭعى 9 اي ىشىندە توتەنشە جاعدايلار قىزمەتى 1 ملن. رەت قۇتقارۋ شارالارىنا شىققان»،- دەيدى ارنايى وكىل.

ال «قازاحاۆتودور» رمك ارنايى وكىلى ولجاس بايمۇحانوۆتىڭ حابارلاۋىنشا، قازىرگى تاڭدا رەسپۋبليكانىڭ بارلىق وڭىرلەرىندە جولدار اشىق جانە قالىپتى جاعدايدا جۇمىس ىستەۋدە.

كۇننىڭ كۇرت سۋىتۋىنا بايلانىستى رەسپۋبليكانىڭ نەگىزگى تاس جولدارىندا باقىلاۋ كۇشەيتىلىپ، الدىن الۋ جۇمىستارى باستالىپ كەتكەن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي