USD 335.61 EUR 361.32 RUB 5.26
استانا:

راقىمشىلىققا 30 مىڭ ادام ىلىگۋى مۇمكىن

«قازاقستان تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» زاڭ جوباسىنا سايكەس سوتتالعان 30 مىڭداي ادام راقىمشىلىققا ىلىگۋى مۇمكىن. بۇل تۋرالى جۋرناليستەرگە ٴماجىلىستىڭ زاڭناما جانە سوت-قۇقىقتىق رەفورما كوميتەتىنىڭ ٴتوراعاسى نۇرلان ٴابدىروۆ ايتتى، دەپ حابارلايدى baq.kz ٴتىلشىسى.

«ٴقازىر ەشكىم ادام سانىن ناقتى ايتا المايدى. بۇل زاڭ جوباسىن دايىنداعان مەملەكەتتىك ورگان – باس پروكۋراتۋرا. ولاردان كەلىپ تۇسكەن مالىمەت بويىنشا جوباسى 30 مىڭداي سوتتالۋشى راقىمشىلىققا ىلىگۋى مۇمكىن»، – دەيدى نۇرلان ٴابدىروۆ.

ونىڭ ايتۋىنشا، ەكونوميكالىق قىلمىس جاساعاندار دا كەلتىرگەن زالالىن تولىق وتەيتىن بولسا، راقىمشىلىققا ىلىگۋى مۇمكىن ەكەن.

«بۇل جەردە ناقتى نورمالار كورسەتىلگەن. ول نورمالارعا ازاماتتاردىڭ الەۋمەتتىك وسال ساناتتارىن، كامەلەتكە تولماعانداردى، جۇكتى ايەلدەردى، كامەلەت جاسقا تولماعان بالالارى بار ايەلدەردى، قارت ادامداردى، مۇگەدەكتەردى، بولماشى جانە اۋىر ەمەس قىلمىس جاساعان ادامدار ەنەدى. ٴتىپتى، اۋىر قىلمىس جاساعاندارعا دا جەڭىلدىك بولۋى مۇمكىن. جالپى ٴوزى التى كاتەگوريا. سوت شەشىمى بويىنشا بۇلاردىڭ وتەلمەگەن جازاسىنىڭ جارتىسىن الىپ تاستاۋ مۇمكىندىگى جوعارى. سونىمەن قاتار وتەلمەگەن جازاسىنىڭ 4/1 بولىگىن الىپ تاستاۋ مۇمكىن. سونداي-اق، ەكونوميكالىق قىلمىستار، ونىڭ ىشىندە اۋىر قىلمىس جاساعانداردىڭ جازاسىن الىپ تاستايدى. ەگەر ولار كەلتىرگەن ەكونوميكالىق زالالىن تولىق وتەيتىن بولسا»، – دەيدى ول.

ايتا كەتەيىك، مەملەكەت باسشىسى نۇرسۇلتان نازاربايەۆ كونستيتۋسيانىڭ 61-بابىنىڭ 1-تارماعىنا سايكەس ٴوز باستاماسىمەن قر پارلامەنتى ٴماجىلىسىنىڭ قاراۋىنا «قازاقستان رەسپۋبليكاسى تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» زاڭ جوباسىن ەنگىزگەن بولاتىن. بۇگىن پارلامەنتتىڭ تومەنگى پالاتاسى ٴماجىلىس پلەنارلى وتىرىس كەزىندە وسى زاڭ جوباسىن قابىلدادى.

كوممەنتاريي1
قازاقباي
تۇرمە باستىقتارى ٴبىر بايىپ قالاتىن بولدى.

ۆاش كوممەنتاريي بۋدەت وپۋبليكوۆان پوسلە مودەراسيي