BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

راديونى ۆيزۋاليزاسيالاۋ زامان تالابى - ٴمادي ماناتبەك ۇلى

راديو نارىعىنداعى جاڭا وزگەرىستەرگە ىلەسۋ – زامان تالاپ ەتكەن نەگىزگى مىندەتىمىز. سونداي ترەندتىڭ ٴبىرى راديونى ۆيزۋاليزاسيالاۋ. بۇل تۋرالى «قازاق راديولارى» جشس باس ديرەكتورى ٴمادي ماناتبەك ۇلى استانادا الەمدىك دەڭگەيدەگى جۋرناليستەر مەن تەلەراديو باسشىلارى باسىن ٴۇش كۇنگە قوسقان «ازيانىڭ مەديا ديالوگى» فورۋمىنىڭ كەزەكتى جيىنىندا مالىمدەدى، دەپ حابارلايدى baq.kz اقپارات اگەنتتىگى.

ٴمادي ماناتبەك ۇلىنىڭ ايتۋىنشا، راديونى ۆيزۋاليزاسيالاۋ جوسپارى بويىنشا 2018 جىلدىڭ مامىرىنان باستاپ قازاق راديوسىنىڭ تىكەلەي ەفير ستۋدياسىنا 360 گرادۋستىق كاسىبي روبوت كامەرالار ورناتىلعان.

«بۇگىندە وسى قۇرىلعىلار ارقىلى قازاق راديوسى instagram، facebook، رەسمي سايتتا جانە youtube ارناسىندا تىكەلەي ەفيردە، تەستىك رەجيمدە حابار تاراتادى. جىل سوڭىنا قاراي، «شالقار»، «استانا» جانە «كلاسسيك» راديولارىنا دا بەينەكامەرالار ورناتىلادى. ٴقازىر «قازاق راديولارىنىڭ» الەۋمەتتىك جەلىدەگى كورسەتكىشتەرى 4 راديونى قوسا ەسەپتەگەندە: facebook جەلىسىنە جازىلۋشى بىلتىرمەن سالىستىرعاندا 44% ارتتى!; instagramدا – 16 ەسەگە ٴوستى!. ٴار راديونىڭ جەكە سايتى بار»، - دەدى ول.

بۇدان باسقا «qazaqstan tv» ٴموبيلدى قوسىمشاسىنىڭ جۇمىس ىستەپ تۇر. وسى ارقىلى الەمنىڭ كەز-كەلگەن نۇكتەسىنەن كورپوراسيا قۇرامىنداعى تەلەارنالار ەفيرىن جوعارى ساپادا كورۋگە بولادى. ونىڭ ىشىندە، قازاق راديولارىن دا ونلاين تىڭداۋ مۇمكىندىك بار.

«تاياۋ ارادا پودكاستى بار ينتەللەكتۋالدى-موبيلدى قوسىمشا اشۋعا دايىندالىپ جاتىرمىز. وتاندىق راديو كەڭىستىگىنە جاڭا لەپ، سەرپىن اكەلۋ ٴۇشىن 2019 جىلدان باستاپ «قازاق راديولارىن» رەسپۋبليكالىق «وtau-tv» سپۋتنيكتىك جەلىسىنە دەربەس ارنا رەتىندە قوسۋ جوسپارلانىپ وتىر»، -* دەپ تولىقتىردى ٴمادي ماناتبەك ۇلى.

سونىمەن قاتار، ول راديو نارىعىنداعى بۇگىنگى ترەندتەرمەن دە ٴبولىستى. «راديونىڭ ٴالى كۇنگە جارناما نارىعىندا 10% دەڭگەيىنە شىقپادى. قازاقستاندا راديوعا جارناما تاپسىرىسىنىڭ تەك 6%، وزگە ەلدەردە 5-7% كولەمىندە. ەگەر راديونى ينتەرنەت، موبيلدىك قوسىمشا، الەۋمەتتىك جەلى ارقىلى دامىتا بەرسەك، بۇل كورسەتكىشتىڭ وسەتىنى انىق»،-دەپ تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي