BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

پروكوپەنكو: ەلىمىز قوعامدى بىرىكتىرۋدىڭ وزىندىك ٴادىسىن تاڭداپ الدى

فوتو: Нұржас Жақсыбай

قازاقستان حالقى اسسامبلەياسى ٴتوراعاسىنىڭ ورىنباسارى لەونيد پروكوپەنكو ەلباسى نۇرسۇلتان نازاربايەۆ جۇرگىزگەن سىندارلى ساياسات ارقاسىندا ەلىمىزدەگى ۇلتتار مەن ۇلىستار ٴتاتۋ-تاتتى ٴومىر ٴسۇرىپ جاتقانىن ايتتى، دەپ حابارلايدى baq.kz ٴتىلشىسى.

«الەمدە ينتەگراسيانىڭ ٴارتۇرلى مودەلدەرى بار. كوپتەگەن ەلدە ەتنيكالىق توپتاردىڭ قۇقىقتىق جاعدايى ۇلتتىق ازشىلىق ينستيتۋتى ارقىلى رەتتەلەدى. ٴوز كەزەگىندە قازاقستان دامۋدىڭ وزىندىك داڭعىل جولىن تاڭداپ، پوليەتنيكالىق قوعامنىڭ وزىندىك ينتەگراسيالىق ٴادىسىن دايىندادى. بۇل رەتتە شەشۋشى ٴرولدى ەكى نەگىزگى فاكتور اتقاردى. ٴبىرىنشىسى – ەل پرەزيدەنتىنىڭ ساياسي ەرىك-جىگەرى. ەلباسى ٴاۋ باستان-اق ەل ساياساتىنىڭ باسىمدىعى رەتىندە بىرلىكتى تاڭدادى. ەكىنشىدەن، بۇل – ينتەگراسيانى قامتاماسىز ەتەتىن مودەل. ٴبىزدىڭ كونستيتۋسيا – «ٴبىز قازاقستان حالقى» دەپ باستالادى. بۇل ەلدەگى بارلىق ازاماتتاردىڭ ىنتىماقتىعىنىڭ ىرگەتاسى بولا ٴبىلدى»، - دەدى لەونيد پروكوپەنكو نازاربايەۆ ۋنيۆەرسيتەتىندە وتكەن «قازاقستان مەن گەرمانياداعى ينتەگراسيالىق ساياسات. سالىستىرمالى تالداۋ» تاقىرىبىنداعى حالىقارالىق كونفەرەنسيادا.

ونىڭ ايتۋىنشا، ەتنومادەني بىرلەستىكتەردىڭ قازاقستان حالقى اسسامبلەياسىنا بىرىگۋى ۇلتتار مەن ۇلىستار اراسىنداعى بىرلىكتى ودان ٴارى نىعايتۋعا تۇسكەن.

«سوندىقتان نۇرسۇلتان نازاربايەۆتىڭ مودەلى – قازاقسان حالقى اسسامبلەياسى ەتنيكالىق توپتاردىڭ قۇقىقتارى تۇرعىسىندا دەموكراتيالىق ستاندارتتاردى قامتيدى»، - دەدى ول.

سونىمەن قاتار جيىندا قازاقستانداعى كونگراد ادەناۋەر اتىنداعى قور وكىلدىگىنىڭ ديرەكتورى توماس حەلم قازاق ەلى مەن گەرمانيانىڭ اراسىنداعى ينتەگراسيالىق ساياساتى تۋرالى باياندادى.

وسى ورايدا لەونيد پروكوپەنكو ەلىمىزدە نەمىس ەتنومادەني بىرلەستىكتەرى بەلسەندى تۇردە جۇمىس جۇرگىزىپ وتىرعانىن اتاپ ٴوتتى.

«بۇگىنگى تاڭدا قازاقستاندا 180 مىڭعا تارتا نەمىس بار. نەمىس ەتنومادەني بىرلەستىكتەرى بەلسەندى تۇردە جۇمىس جۇرگىزۋدە. پرەزيدەنتتىڭ تاپسىرماسى بويىنشا اكادەميالىق دەگەن جوعارى مارتەبە بەرىلگەن نەمىس دراما تەاترى دا بار. نەمىس گازەتى شىعىپ تۇر. مەملەكەت نەمىس مادەنيەتى، ٴداستۇرى مەن ٴتىلىنىڭ دامۋىنا بارىنشا قولداۋ ٴبىلدىرىپ كەلەدى»، - دەدى ەتنومادەني قازاقستان حالقى اسسامبلەياسى ٴتوراعاسىنىڭ ورىنباسارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي