BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

پروبلەمالىق كرەديتتەر قورى: قاڭتاردان باستاپ تەڭگەرىمدەگى مۇلىكتىڭ 25% ساتۋعا شىعارىلادى

استانا، baq.kz ٴتىلشىسى. بۇل جونىندە «پروبلەمالىق كرەديتتەر قورى» اق-نى قايتا ۇيىمداستىرۋ جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا ٴمالىم بولدى.

«قازاقستان رەسپۋبليكاسى ۇكىمەتىنىڭ قاۋلىسىنا سايكەس، «پروبلەمالىق كرەديتتەر قورى» اكسيونەرلىك قوعامى وعان «وڭالتۋ جانە اكتيۆتەردى باسقارۋ كومپانياسى» اكسيونەرلىك قوعامىن قوسۋ ارقىلى قايتا قۇرۋ كوزدەلگەن. قارجى مينيسترلىگى ساتىپ الىنعان اكتيۆتەردى ەكونوميكالىق اينالىمعا، ياعني، پروبلەمالىق كرەديتتەر قورىندا جاتقان بارلىق اكتيۆتەردى جەكە سەكتورعا قايتارۋدى قور الدىنا ماىندەت ەتىپ قويىپ وتىر. تۇسكەن قاراجات مەملەكەت كىرىسنە باعىتتالاتىن بولادى. سونىمەن قاتار، ساتۋ قارجى مينيسترلىگىندەگى مەملەكەتتىك ەلەكتروندى الاڭ ارقىلى جۇزەگە اسىرىلادى. قازىرگى ۋاقىتتا بۇل الاڭدا مەملەكەتتىك مەنشىكتەگى نىسانداردى جەكەشەلەندىرۋ جۇمىستارى جۇرگىزىلىپ جاتىر»، - دەدى قر قارجى ۆيسە-مينيسترى بەرىك شولپانقۇلوۆ.

سونداي-اق، بريفينگكە قاتىسقان كەزەكتى سپيكەر «پروبلەمالىق كرەديتتەر قورى» اق باسقارما ٴتوراعاسى داۋلەت باقبەرگەن ەكىنشى دەڭگەيلى بانكتەردى قالپىنا كەلتىرۋ جۇمىستارىنا توقتالدى. ول «بتا بانك» اق اكتيۆتەرىن ساتىپ الۋ ارقىلى ونىڭ ەنشىلەس كومپانيالارىنىڭ جۇمىسى رەتكە قويىلعانىن مىسال ەتتى.

«بتا يۋانك» اق-مەن كەلىسىم اياسىندا بىزگە بەرىلگەن ەنشىلەس كومپانيالار بەلسەندى جۇمىس جاساپ، پايدا اكەلىپ جاتىر. الايدا، بيزنەسپەن باسەكەلەس بولۋ ٴبىزدىڭ ماقساتىمىز ەمەس، ٴبىز بيزنەس قۇرىلىم ەمەسپىز. ٴبىز ول اكتيۆتەردى نەعۇرلىم جىلدام بيزنەس ورتاعا تاپسىرۋدى مىندەت ەتەمىز»، - دەدى داۋلەت باقبەرگەن.

ول «پروبلەمالىق كرەديتتەر قورى» اق تەڭگەرىمىندە تۇرعان اكتيۆتەردى ساتۋ اشىق جانە ٴادىل وتەتىنىن ايتتى.

«تۇرعىن ٴۇي قورى بويىنشا ايتار بولساق، بىزدە بتا بانكتىڭ جۇمىس ىستەمەيتىن زايمدارى بويىنشا مەنشىككە وتكەن 70 جۋىق پاتەر بار. وندا ٴقازىر ادامدار تۇرىپ جاتىر. ولاردىڭ ٴارقايسىسى بويىنشا جەكە-جەكە جۇمىستار جۇرگىزىلىپ جاتىر. ەگەر، تۇرعىنداردىڭ پاتەردى ساتىپ الۋعا مۇمكىندىگى بولماسا، ٴبىز ولاردى قىس ۋاقىتىندا دالاعا قۋپ شىقپاس ٴۇشىن، قۇرىعاندا كوممۋنالدىق شىعىنداردى تولەۋ ٴۇشىن ٴبىزدىڭ قورمەن جالعا الۋ كەلىسىمشارتىن جاساۋدى ۇسىندىق. سونىمەن قاتار، ولاردىڭ ەلەكتروندى ساۋدا ارقىلى ٴوز پاتەرلەرىن ساتىپ الۋ مۇمكىندىكتەرى دە قاراستىرىلىپ جاتىر. قاڭتار ايىنان باستاپ وتە ۇلكەن مۇلىكتى ساۋداعا شىعاراتىن بولامىز. بۇل قور تەڭگەرىمىندى تۇرعان مۇلىكتىڭ شامامەن 25%. بۇقارالىق اقپارات قۇرالدارىنا و بوىنشا بارلىق ٴتيىستى اقپارات جاريالاناتىن بولادى»، - دەدى باسقارما ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي