BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

پرەزيدەنتكە دەنيس تەن ولىمىنە قاتىستى ەكى رەت بايانداما جاسادىم – مينيستر

فوتو: ОКҚ баспасөз қызметі

ىشكى ىستەر ٴمينيسترى قالمۇحانبەت قاسىموۆ دەنيس تەن ولىمىنە قاتىستى ٴمان-جايدى تولىق ايتىپ بەردى، دەپ حابارلايدى baq.kz ٴتىلشىسى.

قاسىموۆ دەنيس تەن ولىمىنەن كەيىن ٴۇش كۇن ۇيىقتاماعانىن ايتتى.

«قايعىلى جاعدايدىڭ ٴمان-جايىن سوت انىقتايدى. وبەكتيۆتى تۇردە سىزدەرگە ايتارىم، كۇدىكتىلەر الماتىدا تۇرادى، ەكەۋى دە سىرتتان كەلگەن. وسىعان دەيىن ٴارقايسىسى ٴۇش رەت سوتتالعان. ولار الماتىعا كەلگەن سوڭ العاشقى كەزدە كولىك جۋاتىن ورىندا جۇمىس ىستەگەن، سودان كەيىن جايلاپ اينا ۇرلاۋعا كوشكەن. سول كۇنى ولارعا اقشا قاجەت بولعان. قۇجاتسىز، ەشتەڭەسىز پاتەرگە قونىستانعان. (...) مىنەكەيىڭىز، قالا وسىنداي قىلمىسكەرلەرگە قانداي جاعداي جاساپ وتىرعانىن كورىڭىز. تاڭەرتەڭ پاتەردەن شىعىپ كەتەدى دە، ولارعا اقشا قاجەت بولعان سوڭ قىلمىس جاسايتىن وبەكت ىزدەيدى. وسى كولىكتىڭ (دەنيس تەننىڭ كولىگىنىڭ – اۆت.) جانىنان ەكى رەت ٴوتىپ، جاقسى ٴارى قىمبات ماشينا ەكەنىن كورگەن. ايناسىنان ەشقانداي جازۋدىڭ جوعىن بايقاعان. ٴقازىر كوپ ادام ساقتانۋ ٴۇشىن نومىرلەرىن جازىپ قويادى. قىلمىس جاساعان سوڭ دەنيس شىعادى. بولدى. ول - باتىر. ول بىردەن قۋىپ جەتىپ، بىرەۋىن ۇستاپ تۇرعان. ەكىنشى قىلمىسكەر كەلىپ پىشاقتامايىنشا قاشا الماعان. ولتىرگىسى كەلدى، كەلمەدى دەگەن دالەلدەر سوتتا ايتىلادى. ٴمان-جايى وسىنداي»، - دەدى قاسىموۆ.

ونىڭ ايتۋىنشا، قۇقىق قورعاۋ ورگاندارى وسى وقيعادان سوڭ ۇرلانعان اۆتوكولىك بولشەكتەرىن ساتاتىن بازارلارعا رەيد جۇرگىزگەن.

«الماتىدا، استانادا، قاراعاندى مەن پاۆلوداردا رەيد جۇرگىزدىك. ناتيجەسىن كورىپ وتىرمىز. استانا بازارىنداعى بەس كونتەينەردى تەكسەرە باستاعانىمىزدا يەلەرى قاشىپ كەتتى. ولاردىڭ كىم ەكەنىن دە بىلمەيمىز. سودان كەيىن تابا المادىق. بازار قوجايىنى نەگە بولسا دا رۇقسات بەرىپ تۇر عوي. قانداي ليسەنزيا تۋرالى ايتۋعا بولادى؟ (...) قانشاما ورتالىقتار تۇرعىزدىق. نەلىكتەن بازارلاردى تارتىپكە كەلتىرە المايمىز؟ اپاتتى بازارلاردى جابىڭدار دەيمىز. جوق. قايدا ٴوتىم بولسا، سوندا سۇرانىس بار. بۇل الماتى مەن باسقا قالالاردىڭ باسىنداعى جاعداي. سۇرانىس بولا بەرسە، جەل ديىرمەندەرىمەن كۇرەسەتىن بولامىز...» - دەپ ايتتى مينيستر.

قاسىموۆ دەنيس تەن ولىمىنە كۇدىكتىلەردى ۇستاۋعا قاتىستى مالىمەتتىڭ ٴبارىن پرەزيدەنتكە بايانداپ وتىرعانىن ايتتى.

«مەن اقتاۋدا بولدىم. وسى قىلمىس تۋرالى ماعان حابارلاسىپ ايتتى. باقىلاۋىمىزدا بولدى. ٴىستى ٴتۇنى بويى باقىلاۋىمىزدا ۇستاپ، قىلمىسكەرلەر ناقتىلانعاندا ٴبىرىنشىسىن ۇستادىق. ال ەكىنشى قىلمىسكەردى ۇستاۋ قيىنعا سوقتى. جاسىرىنىپ باقتى. ناقتى مەكەنجايى بولمادى. زور كۇش سالدىق. ٴبىر ورىننان كەلەسى ورىنعا اۋىسىپ جۇرگەن ساتىندە ٴبىز ونى ۇستاپ الدىق. ٴۇش ٴتۇن ۇيىقتامادىق. پرەزيدەنتكە وسى تۋرالى ەكى رەت بايانداما جاسادىم. ول باقىلاۋىندا ۇستادى. قايعىلى جاعداي بارىنە اۋىر ٴتيدى. قىلمىس حالىق اراسىندا ۇلكەن رەزونانس تۋدىردى»، - دەپ تۇيىندەدى ول.

ەسكە سالا كەتسەك، 2018 جىلدىڭ 19 شىلدەسىندە الماتىدا مانەرلەپ سىرعاناۋشى دەنيس تەن اۆتوكولىك ۇرىلارىنىڭ قولىنان قازا تاپقان بولاتىن.

سپورتشىنى ٴولتىردى دەگەن كۇدىكپەن نۇرالى قياسوۆ جانە ارمان قۇدايبەرگەنوۆ قاماۋعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي