USD 334.89 EUR 361.61 RUB 5.28
استانا:

پرەزيدەنت كۇنىنە وراي وبلىستا 300-دەن استام ٴىس-شارا ٴوتتى

بيىل وبلىستا مەرەكەگە وراي 300-دەن استام ارنايى ٴىس-شارا ۇيىمداستىرىلدى. بۇگىن سالتاناتتى كونسەرتتىك باعدارلاما اياسىندا شىعىسقازاقستاندىقتار ەلباسىنىڭ تاۋەلسىز ەلىمىزدى وركەندەتىپ، قازاقستاننىڭ قارىشتاپ دامۋىنداعى ەڭبەگىن اشىپ كورسەتتى، دەيدى baq.kz ٴتىلشىسى.

ونەرپازدار كورەرمەندەرگە ەلباسىنىڭ قازاقستان رەسپۋبليكاسىنىڭ قارىشتاپ دامۋىنداعى ەڭبەگىن كورسەتەتىن قويىلىم تارتۋ ەتتى.

شىعىس قازاقستان وبلىسىنىڭ اكىمى ٴىس-شاراعا قاتىسۋشىلاردى مەيراممەن قۇتتىقتادى.

"بۇگىنگى مەرەكە – حالقىن اڭساعان ارمانىنا جەتكىزىپ، دەربەس مەملەكەت قۇرعان ٴبىرتۋار پەرزەنتىنە دەگەن ۇلتىنىڭ ىستىق ىقىلاسى. ەرەن ەڭبەك، ساليحالى ساياساتىمەن تاريحي قىسقا ۋاقىتتا قازاقستاندى دۇنيە جۇزىنە تانىتقان كەمەڭگەر ەلباسىمىزعا دەگەن حالقىنىڭ اق نيەتى. قازاقستان، تاۋەلسىزدىك، پرەزيدەنت نۇرسۇلتان نازاربايەۆ بىر-بىرىنەن اجىراماس ۇعىمدار"، - دەدى دانيال احمەتوۆ.

تاماشا كونسەرتتىك باعدارلاما وبلىس ونەرپازدارىنىڭ ونەر كورسەتۋىمەن جالعاسىن تاپتى. شىعىسقازاقستاندىقتاردى قۇتتىقتاۋ ٴۇشىن «استانا وپەرا» تەاترىنىڭ سوليستەرى الفيا كاريموۆا مەن مەدەت چوتوبايەۆ كەلدى.

جالپى، مەرەكەگە وراي وڭىردە 300-دەن استام ٴىس-شارالار ۇيىمداستىرىلعان. بۇگىن وبلىستىق كىتاپحانادا قازاقستان رەسپۋبليكاسى پرەزيدەنتىنىڭ وقۋ زالى جانە قازاقستان حالقى اسسامبلەياسىنىڭ مۇراجايى اشىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي