BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

پاۆلوداردا جارتى جىل ىشىندە 1500-عا جۋىق زاڭسىز ساۋداگەر جاۋاپقا تارتىلدى

فوتو: pavlodarnews.kz

پاۆلوداردا جەرگىلىكتى پوليسيا قىزمەتى قالالىق اكىمدىكپەن بىرىگىپ زاڭسىز ساۋدا جۇرگىزۋ ورىندارىن ارالاپ شىقتى، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

پوليسەيلەر مەن مەملەكەتتىك ورگانداردىڭ وكىلدەرى اۆتوۆساپارجاي ماڭىنداعى اۋماقتا، «ماناقباي بازارى» ماڭى مەن لەرمونتوۆ-1، مامىر كوشەلەرىنىڭ قيىلىسىنداعى نۇكتەلەرگە باردى. جەرگىلىكتى پوليسيا قىزمەتىنىڭ باستىعى ارمان قاپتايەۆ وسى اتالعان ورىندار زاڭسىز ساۋدا نەعۇرىلىم كوبىرەك جۇرگىزىلەتىن نۇكتەلەر بولىپ سانالاتىنىن ايتادى.

فورما كيگەن ادامداردى كورگەن بويدا ساتۋشىلار تاۋارلارىن جيناپ، قاشا جونەلدى. قاشىپ ۇلگەرمەگەندەردى پوليسەيلەرمەن سۇحبات كۇتتى. قالىپ قويعاندارى ساۋداگەرلەردە قاجەتتى قۇجاتتار تابىلماعان جاعدايدا ەسكەرتۋلەر راسىمدەدى. بىرنەشە مارتە قۇقىق بۇزعاندارعا 5-10 ايلىق ەسەپتىك كورسەتكىش كولەمىندەگى ايىپپۇل سالىندى.

ارمان قاپتايەۆتىڭ سوزىنشە، وسى جىلدىڭ مامىرىنان باستاپ جەرگىلىكتى پوليسيا قىزمەتى زاڭسىز ساۋدا جۇرگىزگەن ازاماتتارعا قاتىستى 1500-عا جۋىق حاتتاما تولتىرىپ ۇلگەرگەن. زاڭسىز ساۋدانى تولىعىمەن جويۋعا ساۋدا ۇيلەرىنىڭ يەلەرى دە كەدەرگى بولۋدا.

«وسىنداي كورىنىستەردىڭ الدىن الۋ ٴۇشىن ساۋدا ۇيلەرىنىڭ اكىمشىلىگىن دە جاۋاپقا تارتۋ كەرەك. بىزدەر قۇرىلىس بولىمىمەن بىرلەسە ساۋدا ۇيلەرىنىڭ باسشىلارىمەن جۇمىس ىستەي باستادىق. الايدا وزدەرىڭىز كورگەندەي، ساۋدا جالعاسۋدا. بىرەۋىنە ايىپپۇل سالساق، ول ورىنعا ەكىنشى بىرەۋ كەلىپ تاۋارىن قويادى. مۇنداي زاڭسىز ساۋدا نەگىزىنەن ساپارجاي، «ماناقباي» مەن «كاراۆان» ساۋدا ۇيلەرىنىڭ قاسىندا ٴورشىپ تۇر»، - دەيدى جپق باستىعى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي