BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

پاۆلوداردا ساياباقتىڭ ورنىندا جاساندى سۋ ايدىنى سالىنادى

فوتو: автор

پاۆلوداردا اياۋسىز وتالعان ۆورۋشين ساياباعىنىڭ ورنىندا جاساندى سۋ ايدىنى پايدا بولادى، دەپ حابارلايدى baq.kz ايماقتاعى ٴتىلشىسى.

جاسىل ٴماسسيۆتىڭ جويىلۋى سالدارىنان اۋماق باتپاققا اينالىپ، قامىس ٴوسىپ كەتكەن بولاتىن. ەندى پارك اۋماعىن ساۋىقتىرۋمەن جەرگىلىكتى بيلىك اينالىسپاق.

اعا بۋىن وكىلدەرى 50 جىلدىق تاريحى بار ۆورۋشين پاركى كەزىندە نۋ ورمانمەن پارا-پار بولعان دەسەدى. اۋماقتا 20-عا جۋىق اعاش ٴتۇرى ٴوسىپ جايقالىپ تۇرعان. بۇگىندە جاسىل جەلەكتىڭ تۇپتەرى عانا قالعان. ٴتورت جىل بۇرىن جاسالعان تۇگەندەۋ جۇمىستارىنىڭ ناتيجەلەرىنە سۇيەنسەك، بۇل پاركتە 5 مىڭ اعاش بولعان.

اۆتور

پاۆلودار قالاسى اكىمىنىڭ ورىنباسارى اندرەي بالاشوۆتىڭ ايتۋىنشا، ماسەلەنى شەشۋگە بۇگىندە مەتاللۋرگتەر پاركىنىڭ يەلەرى، ياعني «قازاقستان ٴاليۋمينييى» اق اتسالىسپاق. كاسىپورىن جەراستى سۋلارىنىڭ وتكەرىلۋىن توقتاتۋ ماقساتىندا ٴبىر جىلدىق جوبا ازىرلەۋدە.

«جاساندى سۋ ايدىنىن سالۋ قاراستىرىلعان. سونىمەن قاتار، جوبا بويىنشا نوسەرلىك درەناجدىق سۋاعارلار قۇرىلىسى قاراستىرىلعان. ياعني، ساياباقتاعى جينالعان سۋ وسى جاساندى سۋ ايدىنىنا جينالادى. ونىڭ ارتىق بولىگى كارىزگە اعادى، ال قالعانى جاسىل اعاشتاردى سۋارۋدا قولدانىلادى. وسىلايشا، جاساندى وزەننىڭ سۋىن ەكىنشى رەت پايدالانامىز. وسى تەكتەس پاركتەر ەۋروپا ەلدەرىندە وتە كوپ. جوبانى ازىرلەۋدە نەمىس ماماندارىمەن كەڭەستىك»، - دەيدى اندرەي بالاشوۆ.

جوبا كەلەسى جىلى جۇزەگە اسىرىلا باستادى. جالپى قۇنى شامامەن 200 ملن. تەڭگەنى قۇرايدى. مامانداردىڭ ايتۋنىشا، ساياباق ەۋروپالىق ستيلدە بولادى. ارنايى ساۋلەتتىك-لاندشافتتىق ديزاين ازىرلەنىپ، پارك ادام تانىماستاي وزگەرەدى دەپ جوسپارلانۋدا. ىلعالدى توپىراققا بەيىم كەلەتىن اعاش سۇرىپتارىنىڭ 800 داناسى وتىرعىزىلادى.

اۆتور

ايتا كەتەيىك، جاڭا جوبانى جۇزەگە اسىرۋ بارىسىن قوعامدىق ەكولوگتار ٴجىتى باقىلاماق.

«جوبانى تەرەڭىنەن زەرتتەۋ كەرەك. سونىمەن قاتار، ەكوجۇيەنىڭ جاعدايىن ۇنەمى باقىلاپ وتىرۋ كەرەك»، - دەيدى ەكولوگ مارينا پوۋح.

ماماندار بۇعان دەيىن ۆورۋشين پاركىنىڭ اۋماعىنداعى توپىراقتىڭ قىشقىلدىعىن تەكسەرىپ، زەرتتەۋ جۇرگىزگەن. ناتيجەسى كوڭىل كونشىتپەيدى. توپىراقتىڭ قىشقىلدىق كورسەتكىشى - 4-4،5. بيولوگتاردىڭ ايتۋىنشا، توپىراقتاعى سۋدىڭ كوپتىگىنەن جاس وسىمدىكتەر تۇنشىعىپ، قۋراپ قالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي