BAQ.kz - Қазақстан жаңалықтары USD 341.08 BAQ.kz - Қазақстан жаңалықтары EUR 394.46 BAQ.kz - Қазақстан жаңалықтары RUB 5.37
استانا:

پاۆلوداردا ىزدەستىرۋ جاساقتارىنىڭ ورتاق شتابى قۇرىلدى

ەرتىس وڭىرىندە پاۆلودارلىق ىزدەستىرۋ جاساقتارىنىڭ ورتاق شتابى قۇرىلدى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

جەرگىلىكتى ەرىكتىلەر ورتالىعىنىڭ جانىنداعى شتابتىڭ اشىلۋىنا جەرگىلىكتى ىزدەستىرۋ جاساقتارىنىڭ مۇشەلەرى مۇرىندىق بولعان.

«ماقساتىمىز – ىزدەستىرۋ وترياد مۇشەلەرىن ٴبىر ارناعا توعىستىرىپ، ورتاق ماقسات جولىندا ەڭبەك ەتۋ. ۇلى وتان سوعىسىندا حابار-وشارسىز كەتكەن ازاماتتار تۋرالى مالىمەتتەردىڭ ورتاق بازاسىن قۇرۋدى كوزدەيمىز. سونىمەن قاتار، جۇمىسىمىز ىزدەستىرۋ جاساقتارىنىڭ ەكسپەديسيا بارىسىندا تاپقان ازاماتتاردىڭ تۋعان-تۋىسقاندارىن تابۋعا ارنالادى»، - دەيدى ۇيىمادستىرۋشىلاردىڭ ٴبىرى سالاۋات يگىلىكوۆ.

ايتا كتەيىك، بۇگىندە ەرتىس وڭىرىندە «مايدان جولى» جانە «پانفيلوۆشىلار» اتتى ەكى ىزدەستىرۋ جاساعى بار. كوكتەمگى «ەسكە الۋ ۆاحتاسى» شاراسى شەڭبەرىندە وترياد مۇشەلەرى رەسەيدىڭ تۆەر جانە ۆولگوگراد وبلىستارىندا قازبا جۇمىستارىن جۇرگىزدى. رەسەيلىك ارىپتەستەرمەن بىرلەسىپ، 75 ەرجۇرەك ازاماتتىڭ سۇيەگى كوتەرىلدى.

«مايدان جولى» وتريادىنىڭ نەگىزىن قالاعانداردىڭ ٴبىرى جۇمابەك قامزيننىڭ ايتۋىنشا، جاساقتىڭ 10 جىلدىق تاريحىندا رەسەي جەرىندە قازاق سولداتتارىنا 23 ەسكەرتكىش ورناتىلىپ، توزىعى جەتكەن نىساندار قالپىنا كەلتىرىلگەن. ال بيىل ۆولگوگراد جەرىندەگى مامايەۆ قورعانىندا قازاق جاۋىنگەرلەرىنىڭ ەرلىگىنە ارنالعان تاعى ٴبىر ەسكەرتكىش بوي كوتەردى.

«ٴبىزدىڭ ماقساتىمىز – رەسەي، ورتالىق ازياداعى ەلدەردىڭ ىزدەستىرۋ جاساقتارىن بىرىكتىرىپ، ٴبىر ماقسات جولىندا ەڭبەك ەتۋ. ۇلى وتان سوعىسىنداعى جەڭىس – بارشامىزعا ورتاق»، - دەيدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي