BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

پاتەر يەلەرى شىعىندارىن ونلاين باقىلايتىن بولادى – دەپۋتات

پاتەر يەلەرى كووپەراتيۆتەرگە تولەيتىن قارجىلىق شىعىندارىن ونلاين باقىلاي الادى. بۇل تۋرالى «قر كەيبىر زاڭنامالىق اكتىلەرىنە ٴتۇرعىن-ۇي كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمىندا پارلامەنت ٴماجىلىسىنىڭ دەپۋتاتى ساپار احمەتوۆ مالىمدەدى، دەپ حابارلايدى baq.kz ٴتىلشىسى.

«ٴاربىر قالامىزدا ٴبىر پيك 10 ٴۇيدى، الماتىدا 100 ۇيگە دەيىن باسقارادى. ٴبىر عانا ەسەپشوت ون ۇيگە بىردەي اقپارات بەرە المايدى. تۇرعىندار اقشانى تولەگەنىمەن ەڭبەكاقىعا، جوندەۋ جۇمىستارىنا، قىسقا دايىنداۋعا، ٴۇيدىڭ دالىزدەرىن جوندەۋگە، قۇبىرلاردى اۋىستىرۋعا قانشا قارجى كەتەتىتىن بىلمەيدى جانە كووپەراتيۆتەرى ولارعا اقپارات بەرە المايدى. ٴقازىر ٴبىز تۇرعىن ٴۇي قاتىناستارىنىڭ ىشىندە باستى ماسەلە اشىقتىقتى قامتاماسىز ەتۋىمىز كەرەك. ٴاربىر تۇرعىن اقشاسىنىڭ قايدا كەتىپ جاتقانىن ٴبىلۋى ٴتيىس»، - دەپ اتاپ ٴوتتى ماجىلىسمەن.

ول قازىرگى ۋاقىتتا تۇرعىنداردىڭ پاتەر يەلەرى كووپەراتيۆتەرىنە سەنبەيتىنىن جاسىرمادى.

«ارينە، جاقسى جۇمىس ىستەيتىن پيك ٴتوراعالارى كوپ، ولارعا سەنىم بار. ٴبىراق حالىقتىڭ 80-90 پايىزى پيك-تىڭ اشىقتىعىنا سەنبەيدى. ەگەر دە ٴبىز وسىنى قامتاماسىز ەتسەك وندا تۇرعىندار ٴۇيىن وزدەرى باسقارىپ، ازاماتتىق پوزيسيالارىنىڭ بولۋىن قامتاماسىز ەتسەك ولاردىڭ ۇيىنە دەگەن، كوشەسىنە دەگەن، قالاسىنا دەگەن كوزقاراسى وزگەرەدى دەپ ويلايمىز. تۇرعىندار پيك ەسەبىن ونلاين رەجيمدە كورە الادى. سوعان ساي ۇكىمەت پورتال قۇرىپ وتىر»، - دەدى وسكەنبايەۆ.

ول سونداي-اق تۇرعىن ٴۇيدى پايدالانۋعا بەرگەن ساتتەن اۆتوماتتى تۇردە كوندومينيمۋم قۇرىلاتىنىن ايتتى.

«ٴاربىر ٴۇيدىڭ وزىندىك ەسەپ شوتى، كەڭەسى جانە سايلانعان ٴتوراعاسى بولادى. ول ادام باسقارمامەن بىرگە ٴاربىر ٴۇيدىڭ قارجىسىن قايدا جىبەرۋ كەرەك، وسى تۇرعىن ۇيگە قىزمەت كورسەتۋ ٴۇشىن كىممەن كەلىسىمشارت جاساۋ قاجەتتىگىن شەشىپ، ەسەپ بەرەدى. بۇعان قوسا كەز كەلگەن ٴۇيدى پايدالانۋعا بەرگەن كەزدە اۆتوماتتى تۇردە كوندومينيمۋم قۇرىلاتىن بولادى. تۇرعىندار ورنالاسقان العاشقى كۇننەن باستاپ ولار مەنشىك يەلەرى بولا الادى جانە داۋىس بەرۋ قۇقىعىن يەلەنەدى. قازىرگى كەزدە قۇرىلىس كومپانياسى ٴۇيدى پايدالانۋعا بەرگەن سوڭ ول جەرگە باسقارۋشى كومپانيا كەلەدى دە، ال تۇرعىندار قۇقىقسىز قالادى. مۇنداي بولماۋى ٴتيىس»، - دەدى دەپۋتات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي