BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

وزەندەرىمىزدىڭ بايلىعى وزىمىزگە بۇيىرسىن

فوتو: azh.kz

استانا، baq.kz. اتىراۋ شەكارا وتريادىنا قاراستى «ەۆرازيا» زاستاۆاسىنىڭ شەكارا ناريادى وتكەن تۇندە جالپى سالماعى جارتى تونناعا جۋىق باعالى بالىق ونىمدەرىن تاركىلەدى. بۇل تۋرالى قر ۇقك شق ٴباسپاسوز قىزمەتى مالىمدەدى.

شەكارا ساقشىسى شەكارالىق مۇنارانىڭ ۇستىنەن تۇندە باقىلاپ تۇرىپ، جايىق-كاسپيي كانالىنىڭ ماڭىنان قولشام جارىعىن بايقاپ قالعان. لەزدە قارۋلانىپ نۇسقالعان جەرگە كەلىپ جەتكەن دابىل توبى 9 قانارعا تولتىرىلىپ قويىلعان باعالى بالىقتاردى تاۋىپ الدى. ال ىزدەرىن سۋىتىپ ۇلگەرگەن «بالىقشىلاردى» ٴقازىر قۇقىق قورعاۋ ورىندارى ىزدەستىرىپ جاتىر. بەلگىسىز ادامدار تاراپىنا اكىمشىلىك قۇقىق بۇزۋشىلىق تۋرالى حاتتاما تولتىرىلىپ تا قويعان. تابىلعان وزەن بايلىعى اكتىلەنىپ، سول ماڭداعى بالىق وڭدەۋ زاۋىتتارىنىڭ بىرىنە تاپسىرىلدى.

سونداي-اق اقتوبە وتريادىنىڭ «جايساڭ-اۆتو» وتكىزۋ بولىمشەسىنىڭ شەكاراشىلارى كەشە كۇندىز رەسەيگە كەتىپ بارا جاتقان «گاز» اۆتوكولىگىنىڭ سالونىنان 1440 دانا باعالى بالىق سالىنعان بىرنەشە قاپ تاۋىپ، كولىك يەسىن، 47 جاستاعى رەسەي ازاماتىن ۇستاعان بولاتىن.

ال، شىعىس شەكارانىڭ «سەمەي» شەكارالىق باقىلاۋ وتريادىنا قاراستى «ۇبە-اۆتو» بولىمشەسىندە دە شەكاراشىلار ٴبىزدىڭ ەلدەن رەسەي جاققا جەكەمەنشىك «تويوتا لەند كرۋزەر» اۆتوكولىگىمەن ەشقانداي قۇجاتسىز، 100 كەلىگە جۋىق ۋسكۋچ بالىعىن اكەتىپ بارا جاتقان 65 جاستاعى رەسەيلىكتى ۇستادى. ۇستالعان ازامات بالىعىمەن بىرگە شەمونايحا اۋداندىق كارانتيندىك-ۆەتەرينارلىق باقىلاۋ ينسپەكسياسىنا تاپسىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي