BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

وسكەمەندە ساۋدا نۇكتەلەرىندە ساتىلاتىن ويىنشىقتاردىڭ جارتىسىنان كوبى قاۋىپسىزدىك تالاپتارىنا ساي ەمەس

فوتو: Зарина Әбілмәжінова

2018 جىلدىڭ ٴتورت ايىندا قوعامدىق دەنساۋلىق ساقتاۋ دەپارتامەنتى ساۋدا جەلىسىندەگى ويىنشىقتاردىڭ الپىس ۇلگىسىن سىناقتان وتكىزىپ، ونىڭ وتىز ەكىسى دەنساۋلىققا زيان ەكەنىن انىقتادى، دەپ حابارلايدى baq.kz اقپارات اگەنتتىگى yk-news.kz سايتىنا سىلتەمە جاساپ.

ويىنشىقتاردى تەكسەرۋ بارىسىندا ٴيىس، بوياعىش زات، سونداي-اق فورمالدەگيد جانە يزوبۋتيل ٴسپيرتىنىڭ تەحنيكالىق نورمالارىنىڭ جوعارى ەكەنى انىقتالدى.

«ويىنشىقتارى تالاپقا ساي كەلمەيتىن 16 ساتۋشى مەن جەتكىزۋشىگە قاتىستى ۇيعارىم شىعارىلدى. ۇيعارىم بويىنشا، زاڭ بۇزۋشىلىقتى جويۋ جانە ونى ۋاقىتىندا ورىنداۋ كەرەك. سونداي-اق، 4 ايلىق قورىتىندى بويىنشا، ٴبىر كاسىپكەرگە سوت ارقىلى 70 اەك كولەمىندە ايىپپۇل سالىنىپ، ٴتورت كاسىپكەرگە قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلىپ، سوتقا جىبەرىلدى»، - دەيدى شقو قوعامدىق دەنساۋلىق ساقتاۋ دەپارتامەنتى باسشىسىنىڭ مىندەتىن اتقارۋشى الميرا مانكۋتوۆا.

قوعامدىق دەنساۋلىق ساقتاۋ دەپارتامەنتى قالا تۇرعىندارىن ويىنشىق ساتىپ العان كەزدە اباي بولۋعا شاقىرادى. تاۋار ساتىپ العان كەزدە تاڭباسىنا، شىعۋ ۋاقىتى مەن ساقتالۋ مەرزىمىنە، يىسىنە، بوياۋىنا نازار اۋدارعان ٴجون.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي