BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

وڭتۇستىك كورەيادا زاڭسىز جۇمىس ىستەپ جۇرگەن قازاقستاندىقتار نە دەيدى؟

استانا، baq.kz ٴتىلشىسى. قازاقستان ۇكىمەتى وڭتۇستىك كورەيا رەسپۋبليكاسىمەن ەڭبەك كوشى-قونىن رەتتەيتىن جاڭا كەلىسىمگە قول قويۋدى جوسپارلاپ وتىر. بۇل تۋرالى qazaqstan تەلەارناسىنىڭ جاڭالىقتار قىزمەتى حابارلايدى.

تەلەارنا تاراتقان مالىمەتكە سايكەس، قازىرگى تاڭداڭ وڭتۇستىك كورەيادا زاڭسىز جۇمىس ىستەپ جۇرگەن قازاقستاندىقتاردىڭ باسىم بولىگى - 20 – 29 جاس ارالىعىنداعى وتباسىن قۇرماعان ازاماتتار.

تەلەارنا ٴتىلشىسى اتالعان ەلدە زاڭسىز جۇمىس ىستەپ جۇرگەن قازاقستاندىقتارمەن تىلدەسىپ، ولاردىڭ كورەي ٴتىلىن بىلمەيتىنىن، قازاقستاندا بىرنەشە رەت نەسيە العانىن، ولاردىڭ تەك ورتا ٴبىلىمى عانا بار ەكەنىن بىلگەن.

شەكارا اسقان قانداستارىمىزدىڭ ٴبىر توبى سەۋل ماڭىنداعى قۇرىلىستاردىڭ بىرىندە جۇمىس ىستەيدى ەكەن. ولاردىڭ كورەيادا زاڭسىز جۇرگەنىنە ٴبىر جىلعا جۋىقتاعان. بارلىعى تۇركىستان وبلىسىنىڭ تۋمالارى. ونداعى ماقساتتارى اقشا تاۋىپ، نەسيەلەرىن جابۋ، ەلدەن جەر الىپ، كىشكەنتاي بولسا دا ٴۇي سالۋ.

ەرجان ەسىمدى جىگىت مۇندا قازاقستاندىقتاردىڭ وتە كوپ ەكەنىن ايتادى. ول قيىندىقتار بار ەكەنىن دە جاسىرعان جوق.

«جىگىتپىز عوي، قيىندىققا شىدارمىز. باسىمدا ەكى كرەديت بار. سول ەكى كرەديتتى جاۋىپ، باسپانالى بولسام دەگەن ارمانىم بار. مەن مۇندا دوسىم ارقىلى كەلدىم. كورەيلەر – وتە ەڭبەكقور. سوندىقتان، جۇمىستى جاقسى ىستەۋ كەرەك. ارينە، وڭاي جولمەن اقشا تابا المايسىڭ، ەڭبەكتەنۋ كەرەك. «جاسىل ٴدالىز» رەجيمى بىتكەنشە ەلگە قايتپاق ويىم بار. مۇندا كەلەتىن جىگىتتەرگە تاۋەكەل ەتپەگەن دۇرىس دەپ ويلايمىن. ويتكەنى، وسى جاققا كەلگەن ادام جوق دەگەندە التى ايدان ٴبىر جىلعا كەلسە عانا پايدا تابادى. كەلە سالىپ، «اقشانى كۇرەپ تابامىن» دەگەن وي بوس اۋرەشىلىك»، - دەيدى ەرجان.

سونداي-اق زاڭسىز جۇمىس ىستەپ جۇرگەن تاعى ٴبىر قازاقستاندىق داستان. ول - الماتى قالاسىنىڭ تۋماسى. ٴقازىر جۇمىس تاپپاي قينالىپ ٴجۇر. تولەنبەگەن نەسيەسى دە بار. كورەيادان كوپ تابىس تابا الماعان. كورەي ٴتىلىن بىلمەي قاتتى قينالعان. ٴتىپتى، بىرنەشە اي جۇمىسسىز جاتىپتى. ونىڭ ەندىگى ارمانى تەزىرەك اقشا تاۋىپ، ەلگە قايتۋ.

«باسقالارعا ەرىپ مەن دە كەلدىم. ٴقازىر جاساعان قادامىم دۇرىس پا، بۇرىس پا دەپ ويلانىپ جاتىرمىن. جاسىل ٴدالىزدىڭ بىتۋىنە دەيىن اقشا جيناپ، قايتۋعا تىرىسامىن»، - دەدى داستان.

ال كورەي رەسپۋبليكاسىنداعى قازاقستان ەلشىلىگىنىڭ كونسۋلدىق ماسەلەلەر جونىندەگى كەڭەسشىسى عابيدەن تەمىربەكوۆ وتانداستارىمىزدىڭ شەكارادان ٴوتۋ ٴۇشىن ٴتۇرلى ايلا-ارەكەتكە باراتىنىن اشىق ايتتى.

«قازاقستان قۇراماسىنىڭ كيىمىن كيىپ، سومكەلەرىن الىپ، كورەيادا قانداي سپورتتىق شارا وتەتىنىن الدىن الا ٴبىلىپ الادى. جاتتىقتىرۋشى، سپورتشى بولىپ ٴوتىپ جاتقاندار دا بار»، - دەيدى ول.

ايتا كەتەيىك، قازىرگى تاڭدا كورەيادا زاڭسىز جۇمىس ىستەپ جۇرگەن شەتەلدىك ازاماتاردىڭ سانى 330 مىڭنان اسقان. ونىڭ - 12 مىڭى قازاقستاندىقتار. سونداي-اق وسى جىلدىڭ 10 ايىندا 5 مىڭ قازاقستاندىق ۆيزاسىز رەجيمگە قاراماستان سەۋل اۋەجايىنان ەلگە كەرى قايتارىلعان. سەبەبى، ولار كورەي يمميگراسيا قىزمەتىنە وزدەرىنىڭ اتالعان مەملەكەتكە نە ٴۇشىن كەلگەنىن تۇسىندىرە الماعان.

وسىعان دەيىن وڭتۇستىك كورەيادا زاڭسىز جۇرگەن ازاماتتارعا 6،5 ملن تەڭگە كولەمىندە ايىپپۇل سالىناتىنىن، ٴارى بيىل 4 قازاقستاندىقتىڭ اتالعان ەلدە قازا تاپقانىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي