BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ونەركاسىپتىك كاسىپورىندارداعى اقپاراتتىق قاۋىپسىزدىك ماسەلەلەرى تالقىلاندى

استانا، baq.kz. استانادا «ونەركاسىپتىك سەكتورداعى اقپاراتتىق قاۋىپسىزدىك» تاقىرىبىنداعى كونفەرەنسيا اشىلدى. ٴىس-شارانى قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى (قر ٴقاوم) مەن «ترانستەلەكوم» اق بىرلەسىپ ۇيىمداستىردى.

ەكى كۇنگە سوزىلاتىن كونفەرەنسياعا، ەلىمىزدىڭ اقپاراتتىق-كوممۋنيكاسيالىق ينفراقۇرىلىمنىڭ اسا ماڭىزدى وبەكتىلەرىنىڭ تىزبەسىنە كىرگەن، ٴار ٴتۇرلى سالاداعى ۇيىمداردىڭ ماماندارى جانە باسشىلارى قاتىسادى.

كونفەرەنسيادا قازاقستان رەسپۋبليكاسىنىڭ قورعانىس جانە اەروعارىش ونەركاسىبى ۆيسە-مينيسترى تيمۋر شايمەرگەنوۆ سالەمدەسۋ ٴسوزىن سويلەدى، جانە قازىرگى ۋاقىتتا ونەركاسىپتىك سالاداعى اقپاراتتىق قاۋىپسىزدىكتىڭ پروبلەمالىق ماسەلەلەرىن شەشۋگە ٴبىرىڭعاي تاسىلدەردى ٴوندىرۋ قاجەتتىلىگى تۋىنداعانىن اتاپ ٴوتتى.

«ترانستەلەكوم» اق باسقارماسىنىڭ ٴتوراعاسى ج. نادىروۆ كونفەرەنسياعا قاتىسۋىندا ەلىمىزدىڭ اقپاراتتىق-كوممۋنيكاسيالىق ينفراقۇرىلىمنىڭ اسا ماڭىزدى وبەكتىلەرىنىڭ مالىمەتتەرىن قورعاۋ بويىنشا قر قاوم-مەن بىرلەسىپ جۇرگىزىلەتىن جۇمىس تۋرالى اقپاراتتاندىردى.

كونفەرەنسيا بارىسىندا قر ٴقاوم اقپاراتتىق قاۋىپسىزدىك كوميتەتىنىڭ ٴتوراعاسى دميتريي گولوبۋردا قاتىسۋشىلاردى اقپاراتتىق قاۋىپسىزدىكتى قامتاماسىز ەتۋ سالاسىنداعى جاسالعان جۇمىستار تۋرالى، سونداي-اق ەلىمىزدە اقپاراتتىق قاۋىپسىزدىكتىڭ جەدەل ورتالىقتارىن قۇرۋ بارىسى تۋرالى حاباردار ەتتى.

سونىمەن بىرگە ٴىس-شارادا كيبەرقاۋىپسىزدىكتىڭ ونەركاسىپتىك ورتالىعىن قۇرۋ جونىندەگى ماسەلەلەردى تالقىلايدى. كونفەرەنسيادا «لابوراتوريا كاسپەرسكوگو» (رەسەي)، «positive technologies» (رەسەي)، «honeywell» (اقش)، «cyberx» (يزرايل)، «stm «(تۇركيا) وكىلدەرى بايانداۋشىلار بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي