BAQ.kz - Қазақстан жаңалықтары USD 344.58 BAQ.kz - Қазақстан жаңалықтары EUR 400.51 BAQ.kz - Қазақстан жаңалықтары RUB 5.47
استانا:

نازاربايەۆ حالىقارالىق اۋەجايىندا اۆتوتۇراقتا تۇرۋ 15 مينۋت قانا تەگىن بولادى

فوتو: ашық дереккөзден

نۇرسۇلتان نازاربايەۆ حالىقارالىق اۋەجايىندا ارنايى جول جەلىسى ۇيىمداستىرىلۋىنا بايلانىستى 2018 جىلدىڭ 21 شىلدەسىنەن باستاپ اەروپورت اۆتوتۇراعىنداعى تاريفتەر دە وزگەرتىلەتىن بولادى، دەپ حابارلايدى baq.kz اقپارات اگەنتتىگى.

«تاريفتەردى قالىپتاستىرۋ كەزىندە حالىقارالىق تاجىريبە ەسكەرىلدى. اۆتوتۇراق ايماعىنىڭ ارنايى جول جەلىسىندە كولىك قۇرالدارىنىڭ رۇقسات ەتىلگەن تەگىن تۇرۋ ۋاقىتى 0-دەن 15 مينۋتقا دەيىن. ەۋروپا ەلدەرىندە ەڭ از تەگىن تۇرۋ ۋاقىتى قولدانىلادى نەمەسە تەگىن ۋاقىت دەگەن بولمايدى. تمد ەلدەرىندە تەگىن تۇرۋ ۋاقىتى كوپتەۋ. مىسالى، كيەۆ اۋەجايىندا – 10 مينۋت، «شەرەمەتەۆو» مەن «دومودەدوۆو» اتتى ماسكەۋ اۋەجايلارىندا – 15 مينۋت، «پۋلكوۆو» دەگەن سانكت-پەتەربۋرگ قالاسىنىڭ اۋەجايىندا – 15 مينۋت»، - دەلىنگەن حابارلامادا.

سونىمەن، نۇرسۇلتان نازاربايەۆ حالىقارالىق اۋەجايىندا تاريفتەر بىلايشا بەلگىلەندى:

اۋەجاي اۆتوتۇراعىنىڭ ارنايى جول جەلىسىندە تۇرۋدىڭ العاشقى 15 مينۋتى تەگىن. ۋاقىت شەگىنەن اسىپ كەتكەن جاعدايدا، اۆتوجۇرگىزۋشى ٴوز كولىگىنىڭ ارنايى جول جەلىسىندە تۇرعان ٴاربىر كەلەسى ساعاتى ٴۇشىن 1000 تەڭگەدەن تولەيدى.

اۋەجايدىڭ ورتاق اۆتوتۇراعىندا تۇرۋ قۇنى – كىرگەن ساتتەن باستاپ 10 ساعاتقا دەيىن ساعاتىنا 100 تەڭگە. 10-شى ساعاتتان باستاپ، 24 ساعاتقا دەيىن – 1000 تەڭگە. ٴاربىر كەلەسى تاۋلىگى – 500 تەڭگە. تەگىن ۋاقىت دەگەن جوق.

«ەنگىزىلەتىن جاڭالىقتار كولىك جۇكتەمەسىن ٴتيىمدى باسقارۋعا، ورىنتۇراق كەڭىستىگىن پايدالانۋدى وڭتايلاندىرۋعا جانە زاڭسىز تاسىمالداۋشىلارمەن ناتيجەلى كۇرەسۋگە مۇمكىندىك بەرەدى دەپ كۇتىلەدى»، - دەلىنگەن كومپانيانىڭ حابارلاماسىندا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي