BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

نۇرسۇلتان نازاربايەۆ حالىقارالىق اۋەجايىندا جولاۋشىلارعا ارنالعان ارنايى جول ىسكە قوسىلادى

نۇرسۇلتان نازاربايەۆحالىقارالىق اۋەجايى ورىنتۇراعىندا جولاۋشىلاردى وتىرعىزۋ مەن تۇسىرۋگە ارنالعان ارنايى جول جەلىسى ۇيىمداستىرىلدى، دەپ حابارلايدى baq.kz اقپارات اگەنتتىگى.

ارنايى جول جەلىسى 2018 جىلعى 21 شىلدەدەن باستاپ جۇمىس ىستەي باستايدى.

استانادا اۋەجايدىڭ ۆوكزال ماڭى الاڭىندا بولەك كىرۋ جولى بار ارنايى جول جەلىسى جايلاستىرىلدى.

ەسكە سالا كەتەيىك، اۋەجاي ورىنتۇراعىنىڭ ارنايى جول جەلىسىن ۇيىمداستىرۋ تۋرالى تاپسىرمانى نۇرسۇلتان نازاربايەۆ حالىقارالىق اۋەجايىندا كولىك ماسەلەلەرى جونىندەگى كوشپەلى ٴماجىلىس بارىسىندا استانا اكىمى اسەت يسەكەشەۆ بەرگەن بولاتىن.

بۇل جاڭالىقتى ۇيىمداستىرۋ استانا تۇرعىندارى مەن قوناقتارى ٴۇشىن اۋەجايدىڭ ۆوكزال ماڭى الاڭىنىڭ جايلىلىعىن ارتتىرۋ، سونداي-اق قارسى الۋشىلار، شىعارىپ سالۋشى جانە جولاۋشىلاردىڭ ۋاقىتىن ۇنەمدەۋ ماقساتىندا تاپسىرىلعان.

اۋەجاي اۋماعىنداعى ورىنتۇراق كەڭىستىگى بىلايشا ۇيىمداستىرىلعان:

«ارنايى جول جەلىسى ت1 مەن ت2 تەرمينالدارىنان اياق جەتىم جەردە ورنالاسقان جانە ول 4 جولاقتان تۇرادى – اۆتوكولىك قوزعالىسىنا ارنالعان 2 جولاق، جولاۋشىلاردى وتىرعىزۋ مەن تۇسىرۋگە ارنالعان 2 جولاق. ورىنتۇراقتىڭ ارنايى جول جەلىسىنە قابانباي باتىر داڭعىلىمەن 6 كىرەر شلاگباۋم ارقىلى كىرەدى. شىعار تۇستا 5 شىعار شلاگباۋمى بار. ورىنتۇراق اقىسىن تولەۋدى جەڭىلدەتۋ ٴۇشىن ارنايى جول جەلىسىنەن شىعار تۇستا 3 پاركومات قويىلعان. تاعى 2 پاركومات ت1 تەرمينالىندا جانە ت2 تەرمينالى جانىندا ورناتىلعان»، - دەلىنگەن حابارلامادا.

سونىمەن قاتار، ورىنتۇراقتىڭ ارنايى جول جەلىسى اۋماعىندا اۆتوموبيلدەردىڭ قوزعالىسىن ٴتيىمدى رەتتەۋ ٴۇشىن اۆتوكولىكتى تۇراققا قويۋشى ديسپەتچەرلەر جۇمىس ىستەيدى.

نەگىزگى اۆتوتۇراققا كىرەر جول دا 4 كىرەر شلاگباۋم ارقىلى قابانباي باتىر داڭعىلىنداعى قوزعالىس بويىنشا ورنالاستىرىلعان. شىعۋ – قوزعالىس بويىنشا 5 شىعار شلاگباۋم ارقىلى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي