BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

«نۇر وتان» پارتياسى مەن جازۋشىلار وداعى ٴوزارا ىنتىماقتاستىق تۋرالى مەموراندۋمعا قول قويدى

«نۇر وتان» پارتياسىنىڭ ورتالىق اپپاراتىندا پارتيا ٴتوراعاسىنىڭ ٴبىرىنشى ورىنباسارى ماۋلەن اشىمبايەۆتىڭ توراعالىعىمەن جيىن ٴوتتى. وندا ەلباسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىندا كورسەتىلگەن مىندەتتەردىڭ ماڭىزى كەڭىنەن تالقىلانىپ، حالىققا ٴتۇسىندىرۋ جۇمىستارىن بىرلەسىپ اتقارۋ جايى ٴسوز بولدى. سونداي-اق پارتيا مەن جازۋشىلار وداعى اراسىنداعى ىنتىماقتاستىقتى نىعايتۋ تۋرالى مەموراندۋمعا قول قويىلدى، دەپ حابارلايدى baq.kz اقپارات اگەنتتىگى

وتىرىستى اشقان ماۋلەن اشىمبايەۆ بيىلعى جولداۋدا قوعامدا قىزۋ تالقىلانىپ جۇرگەن ەڭ وزەكتى الەۋمەتتىك ماسەلەلەر قامتىلعانىن، ولاردى شەشۋ ٴۇشىن ەلباسىنىڭ ناقتى شارالار ۇسىنعانىن ايتتى.

«ەلباسىنىڭ جولداۋداعى ٴار ۇسىنىسىنىڭ ستراتەگيالىق ماڭىزى زور. ماسەلەن، ەڭ تومەنگى جالاقىنى 1،5 ەسەگە كوبەيتۋ – ميلليونداعان قازاقستاندىقتىڭ تۇرمىس دەڭگەيىنە وڭ اسەرىن تيگىزەتىن شارا. سول سياقتى، دەنساۋلىق ساقتاۋ مەن ٴبىلىم بەرۋ سالاسىنا بولىنەتىن قاراجات تا كوبەيەتىن بولادى. بۇل شارالاردىڭ ٴبارى جۇيەلى تۇردە قازاقستانداعى الەۋمەتتىك جاعدايدى ودان ٴارى دامىتۋعا تىڭ سەرپىن بەرەدى»، – دەدى ماۋلەن اشىمبايەۆ.

ودان بولەك، جيىندا جولداۋداعى باسىمدىقتاردى جۇزەگە اسىرۋ – ەلىمىزدى الەمنىڭ ەڭ دامىعان ەلدەرىمەن تەڭەستىرەتىن اسا ماڭىزدى قادام ەكەنى ايتىلدى. سول سەبەپتى دە «نۇر وتان» پارتياسى مەملەكەت باسشىسىنىڭ سەنىمدى ساياسي تىرەگى رەتىندە جولداۋدىڭ ٴمانى مەن ماڭىزىن حالىققا كەڭىنەن ٴتۇسىندىرىپ، ەلباسى ۇسىنىستارىن جۇزەگە اسىرۋعا ۇلەس قوسىپ، وسى باعىتتاعى جۇمىستارعا جۇيەلى تۇردە قوعامدىق باقىلاۋ جۇرگىزەتىن بولادى.«نۇر وتان» بۇل جۇمىستاردى ەلىمىزدەگى جەتەكشى ساياسي پارتيالارمەن، قوعامدىق بىرلەستىكتەرمەن جانە ۇكىمەتتىك ەمەس ۇيىمدارمەن بىرلەسىپ جۇزەگە اسىرماق. ويتكەنى مۇنداي اۋقىمدى جۇمىسقا بۇكىل قوعام بولىپ جۇمىلۋدىڭ بەرەرى مول ەكەنى ٴسوزسىز.

«ەلدىڭ يگىلىگىنە باعىتتالعان بۇل ىستەن جازۋشىلار وداعى دا تىس قالمايدى دەپ سەنەمىز. ويتكەنى حالىققا ەڭ جاقىن توپتىڭ ٴبىرى، سىزدەر، ياعني اقىن-جازۋشىلار ەكەنى بەلگىلى. بۇگىنگى كەزدەسۋىمىزدىڭ دە باستى سەبەبى – وسى جولداۋدىڭ باسىمدىقتارىن تالقىلاپ، حالىققا ٴتۇسىندىرۋ بويىنشا بىرلەسكەن جۇمىستارىمىزدىڭ باعىتتارىن ايقىنداپ الۋ»، – دەدى ماۋلەن اشىمبايەۆ.

ەلباسى جولداۋدا «رۋحاني جاڭعىرۋ» باعدارلاماسىن ٴارى قاراي جالعاستىرىپ، ونىڭ اياسىن جاڭا مازمۇنمەن جانە باعىتتارمەن تولىقتىرۋ قاجەت ەكەنىن ايتقانى بەلگىلى. سول سەبەپتى بۇل باسقوسۋدا پارتيا مەن جازۋشىلار وداعى اراسىنداعى ٴوزارا ىنتىماقتاستىق تۋرالى مەموراندۋمعا قول قويىلىپ، الداعى جۇمىستىڭ باسىم باعىتتارى ايقىندالدى. بۇل رەتتە پارتيا اقىن-جازۋشىلاردى قولداۋ ماقساتىندا ٴتورت بىردەي جوبا ۇسىنىپ وتىرعانىن ايتتى.

ٴبىرىنشى جوبا – پارتيا جاس اقىن-جازۋشىلاردى قولداۋ، ولاردى ىنتالاندىرۋ ماقساتىندا «رۋحاني جاڭعىرۋ» باعدارلاماسى اياسىندا ارنايى بايقاۋ وتكىزۋدى ۇسىنىپ وتىر. سول ارقىلى اتالعان باعدارلامانىڭ ٴمانى مەن ماڭىزىن جانە ونىڭ قۇندىلىقتارىن كەڭىنەن دارىپتەۋ جانە جاس اقىن-جازۋشىلارعا جۇيەلى تۇردە قولداۋ كورسەتۋ كوزدەلگەن.

ەكىنشى جوبا – «رۋحاني جاڭعىرۋ» باعدارلاماسىن ىسكە اسىرۋ اياسىندا جازۋشىلار وداعىمەن بىرلەسىپ «استانا» تەلەارناسىنان كورسەتىلەتىن ارنايى تەلەباعدارلاما دايىنداۋ.

ٴۇشىنشى جوبا – قازىرگى زامانعى تەحنولوگيالاردىڭ كومەگىمەن youtube-تە ارنايى كانال اشىپ، رۋحاني جاڭعىرۋدىڭ قۇندىلىقتارىن ناسيحاتتايتىن، يدەولوگيالىق، تاربيەلىك، اعارتۋشىلىق ماڭىزعا يە، ۇلتتىق كودتى ساقتاپ، بىلىمگە دەگەن قۇشتارلىقتى ارتتىرۋعا ۇلەس قوساتىن باستامالاردى جۇزەگە اسىرۋ.

ٴتورتىنشى جوبا – پارتيالىق باستامالار اياسىندا جاڭعىرتىلعان ەلىمىزدەگى كىتاپحانالاردا اقىن-جازۋشىلارمەن كەزدەسۋلەر، ٴتۇرلى شىعارماشىلىق كەشتەر وتكىزەتىن ارنايى كلۋبتار قۇرۋ.

«بۇل جوبالاردىڭ بارلىعىن جاس اقىن-جازۋشىلارىمىزعا بەرىلىپ وتىرعان مول مۇمكىندىك دەپ ەسەپتەيمىز. سوندىقتان وسى مۇمكىندىكتى ٴتيىمدى پايدالانىپ، العا قويعان ماقساتتارىمىزعا جەتۋ ٴۇشىن بىرلەسىپ جۇمىس ىستەيىك»، – دەدى ماۋلەن اشىمبايەۆ.

ايتا كەتەيىك، ٴىس-شاراعا جازۋشىلار وداعىنىڭ ٴتوراعاسى ۇلىقبەك ەسداۋلەت، «ميراس» رەسپۋبليكالىق كەڭەسىنىڭ ٴتوراعاسى، ٴماجىلىس دەپۋتاتى بەكبولات تىلەۋحان، دراماتۋرگ، جازۋشى تولەن ابدىك، جازۋشى الدان سمايىل، ٴماجىلىس دەپۋتاتى ساۋىتبەك ٴابدىراحمانوۆ، اقىن باۋىرجان قاراعىز ۇلى جانە باسقا دا قالامگەرلەر قاتىسىپ، كوتەرىلگەن ماسەلەلەر بويىنشا ٴوز ويلارىمەن ٴبولىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي