USD 335.71 EUR 357.36 RUB 5.23
استانا:

ن.نازاربايەۆ تاۋەلسىزدىكتىڭ 25 جىلدىعىنا وراي راقىمشىلىق جاساۋ تۋرالى زاڭ جوباسىن ەنگىزدى

فوتو: Tengrinews.kz

مەملەكەت باسشىسى نۇرسۇلتان نازاربايەۆ كونستيتۋسيانىڭ 61-بابىنىڭ 1-تارماعىنا سايكەس ٴوز باستاماسىمەن پارلامەنت ٴماجىلىسىنىڭ قاراۋىنا «قازاقستان رەسپۋبليكاسى تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» زاڭ جوباسىن ەنگىزدى، دەپ حابارلايدى قازاقپارات.

بۇل راقىمشىلىق شاراسى زاڭ بۇزعان ازاماتتارعا قاتىستى ىزگىلىك اكتىسى، مەملەكەت تاراپىنان مەيىرىمدىلىك پەن سەنىم ٴبىلدىرۋدىڭ كورىنىسى بولىپ سانالادى.

قازاقستان تاۋەلسىزدىگىنىڭ 25 جىلدىعىنا وراي ەلباسى باستاماشىلىق ەتكەن زاڭ جوباسى نەگىزىنەن ازاماتتاردىڭ الەۋمەتتىك وسال ساناتتارىن، كامەلەتكە تولماعانداردى، جۇكتى ايەلدەردى، كامەلەتكە تولماعان بالالارى بار ايەلدەردى، قارت ادامداردى، مۇگەدەكتەردى، سونداي-اق بولماشى جانە اۋىر ەمەس قىلمىس جاساعان ادامداردى قىلمىستىق جازادان بوساتۋدى كوزدەيدى.

سوتتالعانداردىڭ باسقا دا ساناتتارىنا قاتىستى راقىمشىلىق ولاردىڭ جاساعان ارەكەتىنىڭ جەڭىل-اۋىرلىعىن ەسكەرىپ، شەكتەلگەن اۋقىمدا جانە جىكتەلگەن تۇردە، سونداي-اق كەلتىرىلگەن شىعىندى تولىق وتەگەن جاعدايدا قولدانىلادى.

سونداي-اق، زاڭ جوباسى اسا ٴقاۋىپتى قىلمىس جاساعان ادامدارعا راقىمشىلىق جاساۋعا تىيىم سالادى، بۇل قىلمىستىق جاعدايدى قيىنداتۋ قاۋپىنە جول بەرمەيدى. زاڭ جوباسىن پارلامەنت پالاتالارىندا تانىستىرۋ باس پروكۋرور جاقىپ اسانوۆقا تاپسىرىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي