BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

مۇلىكتىڭ مەنشىك يەلەرى بىرلەستىگىنىڭ نورمالارى باسقا ەلدەردە قالاي جازىلعان؟

الماتىدا «ورتالىق ازيا ەلدەرىندە تۇرعىن ٴۇي قورىن جاڭعىرتۋ، كۇتىپ ۇستاۋ جانە باسقارۋ» تاقىرىبىندا حالىقارالىق كونفەرەنسيا ٴوتتى. 14 ەلدەن 100-دەن استام ساراپشى ورتالىق ازيا ەلدەرىندە جانە ودان تىس جەرلەردەگى وزەكتى تۇرعىن ٴۇي ماسەلەسىن تالقىلاۋ ٴۇشىن جينالدى، دەپ حابارلايدى ۆaq.kz اقپارات اگەنتتىگى.

كونفەرەنسيا اياسىندا تۇرعىن ۇي-كوممۋنالدىق شارۋاشىلىق سالاسىن رەفورمالاۋ ماقساتىندا قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى ۇسىنعان «تۇرعىن ٴۇي قاتىناستارى تۋرالى» زاڭعا تۇزەتۋلەر ەنگىزۋگە قاتىستى ماسەلەلەردى تالقىلادى.

زاڭ جوباسىنىڭ جاڭالىقتارىنىڭ ٴبىرى - ٴاربىر كوپپاتەرلىك ۇيدە كوممەرسيالىق ەمەس ۇيىم فورماسىندا مۇلىكتىڭ مەنشىك يەلەرىنىڭ بىرلەستىگىن قۇرۋ ارقىلى باسقارۋشى ورگانداردىڭ قىزمەتىن رەتتەۋ بولىپ تابىلادى. گەرمانيالىق ارىپتەستەر وزدەرىنىڭ تاجىريبەلەرىمەن ٴبولىستى جانە وزدەرىندە تۇرعىن ٴۇيدى باسقارۋ ماسەلەلەرى قالاي شەشىلەتىنىن ايتىپ بەردى.

گەرمانيانىڭ ddiv باسقارۋشى كومپانيالارىنىڭ ۇيلەستىرۋ وداعىنىڭ كەڭەس مۇشەسى، گەرمانياداعى vegis باسقارۋ جانە سەرۆيستىك كومپانيالار توبىنىڭ ديرەكتورى ۆەرنەر مەركەلدىڭ اقپاراتى بويىنشا، گەرمانيادا مەملەكەت تۇرعىن ٴۇيدى باسقارۋ ماسەلەلەرىنە ارالاسپايدى جانە مەنشىكيەلەرى كىرەبەرىستەر، باسپالداقتار، ليفتىلەر، شاتىرلار، جەرتولەلەر، ۋچاسكە مەن باسقا دا ورتاق قولدانىستاعى ورتاق جانە جەكە مۇلىككە تولىق جاۋاپكەرشىلىكتى وزدەرىنە الادى.

«تۇرعىندار مەنشىك يەلەرىنىڭ مۇددەسىن قورعاپ، ٴۇيدى كۇتىپ ۇستاۋدىڭ ماڭىزدى ماسەلەلەرىنە قاتىستى شەشىمدەر قابىلدايتىن تۇرعىن ٴۇيدىڭ مەنشىك يەلەرىنىڭ بىرلەستىگىن قۇرادى. ٴۇيدى باسقارۋ ٴۇشىن تۇرعىن ٴۇيدىڭ مەنشىك يەلەرىنىڭ بىرلەستىگى كاسىبي مەنەدجەردى نەمەسە باسقارۋشى كومپانيانى جالداپ، كەلىسىم جاسايدى جانە ونىڭ قىزمەتىن باقىلايدى. بۇل رەتتە، ەگەر باسقارۋ ورگانىنىڭ جۇمىسى مەنشىك يەلەرىن قاناعاتتاندىرماسا ولار ٴارقاشاندا باسقا كومپانيانى جالداي الادى»، - دەپ اتاپ ٴوتتى ۆەنەر مەركەل.

بۇدان باسقا، گەرمانيادا جالپى جيىندا مەنشىك يەلەرىنىڭداۋىس بەرۋىنىڭ 2 ٴتۇرى بار. ٴبىرىنشى – ٴۇي-جايدىڭ (پاتەردىڭ) ٴاربىر مەنشىكيەسى ٴبىر داۋىسقا يە بولعاندا. ەكىنشى – مەنشiك يەلەرiنە تيەسiلi مۇلiكتiڭ جالپى الاڭىنا تەڭ داۋىس سانى بولعان كەزدە. بۇل جەردە تۇرعىندار نۇسقالاردىڭ كەز-كەلگەنىن تاڭداۋعا قۇقىلى.

ٴبىزدىڭ جاقىن كورشىلەرىمىزگە كەلەتىن بولساق، رەسەي فەدەراسياسىنىڭ تۇرعىن ٴۇي كودەكسىندە «جالپى جينالىستا ورتاق مۇلىكتىك مەنشىك قۇقىعىنداعى داۋىس بەرۋشى ناقتى داۋىس بەرەدى. ويتكەنى، وسى ۇيدەگى ٴۇي-جاي يەلەرىنىڭ جالپى جينالىسىندا كوپپاتەرلى ۇيدەگى پاتەردىڭ ٴاربىر يەسىنە تيەسىلى داۋىستاردىڭ سانى وسى ۇيدەگى ورتاق مەنشىككە ورتاق يەلەنۋ قۇقىعىنداعى ۇلەسىمەن پروپورسيونالدانادى». ياعني، مەنشىك يەسى نەعۇرلىم ۇلكەن الاڭى بولسا، جينالىستا ونىڭ داۋىسى سوعۇرلىم كوپ بولادى.

بۇگىندە قازاقستاندا زاڭداعى جاڭا تۇزەتۋلەرگە بايلانىستى مەنشىك يەلەرى ولارعا تيەسىلى مۇلىكتىڭ جالپى الاڭىنا تەڭ داۋىس سانىنا يە بولاتىن داۋىس بەرۋ ماسەلەسى بەلسەندى تالقىلانۋدا.

ايتا كەتۋ كەرەك، «تۇرعىن ۇي-كوممۋنالدىق شارۋاشىلىق ماسەلەلەرى جونىندەگى قازاقستان رەسپۋبليكاسىنىڭ ٴبىرقاتار زاڭنامالىق اكتىلەرىنە تولىقتىرۋلار مەن وزگەرتۋلەن ەنگىزۋ تۋرالى» زاڭ جوباسى اياسىنداعى جۇمىستار قر پارلامەنتىنىڭ ماجىلىسىندە جالعاسادى.

بارلىق مۇددەلى مەملەكەتتىك جانە جەرگىلىكتى اتقارۋشى ورگانداردىڭ وكىلدەرى، «اتامەكەن» ۇكپ، تاۋەلسىز قاۋىمداستىقتاردىڭ، كاسىپوداقتاردىڭ جانە تۇرعىن ٴۇي سەكتورىنداعى ساراپشىلاردىڭ قاتىسۋىمەن جۇمىس توبى قۇرىلادى. زاڭ جوباسىنداعى تارتىستى تۇستاردى وسى جۇمىس توبى قارايتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي