BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

مۇگەدەكتەرگە ارنالعان الەۋمەتتىك قىزمەتتەر پورتالى ازىرلەنەدى

قازاقستاندا الەۋمەتتىك قىزمەت كورسەتۋ جۇيەسىن جەتىلدىرۋ ماقساتىندا الەۋمەتتىك قىزمەتتەر پورتالى جۇمىس ىستەيتىن بولادى. بۇل تۋرالى قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ۇكىمەت وتىرىسىندا مالىمدەدى، دەپ حابارلايدى baq.kz ٴتىلشىسى.

پورتال ادامداردىڭ جەكە قاجەتتىلىكتەرىنە قاراي وڭالتۋ قۇرالدارى مەن قىزمەتتەرىن ٴوز بەتىنشە تاڭداۋعا مۇمكىندىك بەرمەك.

«الەۋمەتتىك قىزمەت كورسەتۋ جۇيەسىن جاڭعىرتۋ مۇددەلى تاراپتاردىڭ ٴوزارا ارەكەتتەسۋىن كۇشەيتۋ ارقىلى الەۋمەتتىك قىزمەت پەن كومەك كورسەتۋدىڭ ينتەگراسيالانعان مودەلىن ەنگىزۋدى كوزدەپ جاتىرمىز. بۇل مۇقتاج ازاماتتارعا قىزمەتتەردى «ٴبىر تەرەزە» قاعيداتى بويىنشا كورسەتۋگە مۇمكىندىك بەرەدى. وسىعان وراي بيىل مينيسترلىك جاڭادان الەۋمەتتىك جۇمىس جونىندەگى ۇلتتىق رەسۋرس ورتالىعىن قۇردى. بۇل ۇلتتىق رەسۋرس ورتالىعى الەۋمەتتىك قىزمەتكەرلەردىڭ پوتەنسيالىن ارتتىرۋ، الەۋمەتتىك قىزمەتتەردىڭ ماماندارىن كاسىبي ادىستەمەلىك قولداۋ، الەۋمەتتىك يننوۆاسيالاردى مودەلدەۋ، جەرگىلىكتى دەڭگەيدە جاڭا قىزمەتتەردى پيلوتتاۋ سياقتى مىندەتتەردى ىسكە اسىراتىن بولادى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي