BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

مولدوۆالىق بيزنەسمەن ٴوز ارەكەتى ٴۇشىن جاۋاپ بەرەدى – ادىلەت مينيسترلىگى

فوتو: ашық дереккөзден

قازاقستاننىڭ ادىلەت ٴمينيسترى مارات بەكەتايەۆ لوندون جوعارعى سوتىنىڭ اناتوليي ٴستاتيدىڭ قازاقستانعا قارسى ٴىستى توقتاتۋ تۋرالى ٴوتىنىشىن قاناعاتتاندىرماۋعا قاتىستى شەشىمىنە تۇسىنىكتەمە بەردى، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

ادىلەت مينيسترلىگىنىڭ پايىمىنشا، اناتوليي ستاتي سوت شەشىمى ٴوز پايداسىنا شەشىلمەۋى مۇمكىن دەگەن كۇدىكپەن قازاقستانمەن سوت داۋىنان شىعۋعا تىرىستى.

«مۇمكىن كەيبىرەۋلەر اسا ماڭىزدى ەش نارسە بولعان جوق دەپ قورىتىندى جاساپ جاتقان شىعار. سەبەبى سوت 2018 جىلدىڭ كۇزىنە جوسپارلاندى جانە سول كەزدە وتەدى. الايدا بۇل جەردە ماڭىزدىسى ٴستاتيدىڭ سوت پروسەسىنەن شىققىسى كەلگەنى. ياعني، ول قاندايدا ٴبىر سەبەپتەرگە بايلانىستى بۇل پروسەستەن شىققىسى كەلدى، مۇمكىن سوت ٴوز پايداسىنا شەشىم شىعاراتىنىنا كۇماندانعان شىعار. ايتپاقشى بۇل تۋرالى سۋديادا ٴوز شەشىمىندە ايتتى. بىزگە بۇل نە بەرەدى؟ بۇل سوڭىندا ستاتي ٴوز ارەكەتتەرى ٴۇشىن جاۋاپقا تارتىلادى دەگەن سەنىم بەرەدى»، – دەپ ٴتۇسىندىردى مينيستر.

بەكەتايەۆ تولىقتىرىپ كەتكەندەي، وسىعان قاراماستان ستاتي پروسەسكە قاتىسۋعا مىندەتتى.

ەستەرىڭىزگە سالا كەتەيىك، بۇعان دەيىن بريتان سوتى 20 ملرد دوللار قازاقستاندىق اكتيۆتەردىڭ باتىستا تىيىم سالۋىنا الىپ كەلگەن مولدوۆالىق بيزنەسمەن مەن قازاقستان اراسىنداعى داۋ سوتقا قايتا جىبەرىلۋى كەرەك دەپ حابارلانعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي