BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

مەمورگانداردىڭ جارتىجىلدىق جۇمىس قورىتىندىسى شىعارىلدى

فوتو: 24kz

مەملەكەتتىك قىزمەت ىستەرى جانە سىبايلاس جەمقورلىققا قارىس ٴىس-قيمىل اگەنتتىگى دەپارتامەنتى استاناداعى مەمقىزمەت باقىلاۋى، مەملەكەتتىك قىزمەت سالاسىنداعى مەملەكەتتىك ورگانداردىڭ جۇمىس قورىتىندىسىنا ارنالعان، ونىڭ ىشىندە مەمقىزمەتكەرلەردىڭ ەتيكالىق نورمانى ساقتاۋى جانە 2018 جىلدىڭ العاشقى جارتىجىلدىعىندا جەمقورلىقتىڭ الدىن الۋعا ارنالعان كەڭەيتىلگەن جيىن وتكىزدى، دەپ حابارلايدى baq.kz اقپارات اگەنتتىگى استانا اكىمدىگىنىڭ ٴباسپاسوز قىزمەتىنە سىلتەمە جاساپ.

مقاسج دەپارتامەنتى باسشىسى جازيرا جىلقىشيەۆانىڭ توراعالىعىمەن وتكەن جيىنعا استانانىڭ مەملەكەتتىك ورگان باسشىلارى، اۋدان اپپاراتىنىڭ اكىمدەرى مەن ٴماسليحاتى قاتىستى. كەزدەسۋ بارىسىندا مەمورگاندار پەرسونالىن باسقارۋ قىزمەتىنىڭ جۇمىسىن شەشۋ جولدارى مەن پروبلەمالارى ايتىلدى.

سونداي-اق جيىندا قالالىق دەپارتامەنت باسشىسى حقكو كەزەككە تۇرۋ بويىنشا ۇسىنىس ەنگىزدى.

«حقكو-دا ادامداردىڭ كوپ جينالىپ قالماسى ٴۇشىن مەملەكەتتىك قىزمەتكەرلەر مەن ۆەدومستۆوعا قاراستى ۇيىمنىڭ قىزمەتكەرلەرىن «ازاماتتارعا ارنالعان ۇكىمەتپەن» بىرلەسىپ ەكسپو اۋدانىنداعى جاڭا حقكو-دا قىزمەتكەرلەردى وقىتۋدىڭ كەستەسىن بەكىتەمىز. ەندى وقىتۋدى جۇرگىزەمىز. وزىمنەن باستاپ وقۋعا بارامىز»، - دەدى جازيرا جىلقىشيەۆا.

ول سونىمەن قاتار ەلەكتروندى فورماتتا مەمقىزمەتتى پايدالانۋ بويىنشا مەمقىزمەتكەرلەردى وقىتۋعا ٴبىر اي كەتەتىنىن ايتا كەتتى.

شارانىڭ قورىتىندىسى بويىنشا مەملەكەتتىك قىزمەت سالاسىندا جانە جەمقورلىققا قارسى زاڭ تالاپتارىن ورىنداپ، قاتاڭ ساقتاۋ كەرەكتىگى ايتىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي