BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

مەملەكەتتىك قىزمەتشىلەر ٴۇشىن جۇمىس كەستەسى تاعى دا وزگەرۋى مۇمكىن

وسى جىلدىڭ باسىنان مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىندە «وزگەرىستەردى وزىڭنەن باستا» اتتى كىشى باعدارلاما قولعا الىنعان. سونىڭ اياسىندا اگەنتتىكتىڭ قىزمەتشىلەرى ٴۇشىن يكەمدى جۇمىس كەستەسى ەنگىزىلمەك، دەپ حابارلايدى baq.kz ٴتىلشىسى.

«اگەنتتىك ٴبىرقاتار جوبالاردى ىسكە اسىرىپ جاتىر. ولاردىڭ ٴبىرى يكەمدى جۇمىس ۋاقىت كەستەسىن بەلگىلەۋدى كوزدەيدى. جوبانىڭ ماقساتى اگەنتتىك اپپاراتىنىڭ قىزمەتكەرلەرى ٴۇشىن وڭتايلى جۇمىس كۇن ٴتارتىبىن قۇرۋدى كوزدەيدى. جوبا ناتيجەلى بولعان جاعدايدا بۇل تاجىريبە باسقا مەملەكەتتىك ورگاندارعا، اسىرەسە ٴىرى قالالاردا ورنالاسقان مەملەكەتتىك ورگانعا تاراتىلادى»، - دەدى شىڭعىس تورەگەلدين.

ونىڭ ايتۋىنشا، اگەنتتىك قىزمەتكرەلەرى اراسىندا جۇرگىزىلگەن ساۋلاناما ناتيجەسى بويىنشا وسى جۇمىستار اتقارىلادى.

«تالداۋ ناتيجەسىدە قىزمەتكەرلەرىمىزدىڭ 70%ٴ-ى ەڭبەك ٴتارتىبىن وزگەرتۋ قاجەتتىگى تۋرالى مالىمدەگەن. ٴبىرىنشى كەزەكتە بۇل جۇمىس كۇىنىنىڭ باستالۋ ۋاقىتىنا بايلانىستى بولىپ وتىر. كىشكەنتاي بالالارى بار اگەنتتىكتىڭ قىزمەتكەرلەرى جۇمىس كۇنىن بەلگىلەنگەن ۋاقىتتان كەش باستاۋ مۇمكىندىگىن بەرۋ تۋرالى تىلەكتەرىن ايتتى. اتالعان ماسەلە جۇمىسقا جەتۋ پروسەسى ٴبىرشاما ۋاقىت الاتىن قالا شەتىندە جانە قالا ىشىندە الىس ايماقاتردا ورنالاسقان قىزمەتكەرلەر ٴۇشىن دە وزەكتى بولىپ وتىر»، - دەدى تورەگەلدين.

اگەنتتىك قىزمەتكرەلەرىنەن ساۋالناما الۋ كەزىندە تۇسكى ٴۇزىلىس ۋاقىتىنىڭ ۇزاقتىعىن وزگەرتۋ تۋرالى تىلەكتەر ايتىلعان.

«سىزدەر بىلەتىندەي قولدانىستاعى ٴتارتىپ بويىنشا تۇسكى ٴۇزىلىس ۋاقىتى 1،5 ساعات. ال قىزمەتكەرە\لەر مىسالى سپورتپەن، مۋزەيگە بارۋ نەمەسە وتباسىلىق-تۇرمىستىق ماسەلەلەردى شەشۋگە بەلگىلەنگەن ۋاقىتتىڭ جەتكىلىكسىزدىگىنەن تۇسكى ٴۇزىلىس ۋاقىتىندا جەكە دامۋمەن اينالىسۋدى قالايتىنى كورىندى. وسىعان بايلانىستى پيلوتتىق رەجيمدە تۇسكى ٴۇزىلىس ۋاقىتى جارتى ساعاتقا ۇزارتىلاتىن بولادى. مەكتەپكە دەيىنگى جانە باستاۋشى سىنىپتا وقيتىن بالالارى بار اگەنتتىك قىزمەتكەرلەرى ٴۇشىن جۇمىس كۇىنىنىڭ باستالۋىن ساعات 9:30-عا بەلگىلەۋدى ۇسىنامىز. تۇسكى ٴۇزىلىستى وزگەرتۋدى قالاعان قىزمەتكەرلەرى بار قىزمەتتەر ٴۇشىن جۇمىستىڭ باستالۋ ۋاقىتى وزگەرتىلمەيدى. تۇسكى ٴۇزىلىستىڭ 14.30-دان 15.00-گە دەيىن ۇزارتىلۋىن ەسكەرە وتىىرپ، جۇمىس كۇنى 19.00-دە اياقتالادى»، - دەدى ول.

ەستەرىڭىزدە بولسا، وتكەن جىلى استانا قالاسى اكىمدىگىنىڭ قىزمەتكەرلەرى تاڭعى كەپتەلىستە تۇرىپ قالماس ٴۇشىن جۇمىستى تاڭعى 08:00-دە باستاۋ تۋرالى ۇسىنىستار ايتىلعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي