BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

مەملەكەتتىك حاتشىسى تۇركى تىلدەس ەلدەردىڭ جاستار جانە سپورت مينيسترلەرىمەن كەزدەستى

استانا، baq.kz. كەزدەسۋگە قازاقستان رەسپۋبليكاسىنىڭ قوعامدىق دامۋ ٴمينيسترى د.كالەتايەۆ، تۇركيا رەسپۋبليكاسىنىڭ جاستار جانە سپورت ٴمينيسترى م.كاساپوگلۋ، تۇركى تىلدەس مەملەكەتتەر ىنتىماقتاستىعى كەڭەسىنىڭ باس حاتشىسى ب.امىرەەۆ، ازەربايجان رەسپۋبليكاسىنىڭ جاستار جانە سپورت ۆيسە-مينيسترى ي.يسمايلوۆ، قىرعىز رەسپۋبليكاسىنىڭ جاستار، دەنە شىنىقتىرۋ جانە سپورت ىستەرى اگەنتتىگىنىڭ ديرەكتورى ق.امانقۇلوۆ قاتىستى، دەپ جازادى اقوردانىڭ ٴباسپاسوز قىزمەتى.

كەزدەسۋ بارىسىندا گۇلشارا ٴابدىقالىقوۆا مەملەكەت باسشىسى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى ماقالاسىنداعى «قازاقستان – كۇللى تۇركى حالىقتارىنىڭ قاسيەتتى «قارا شاڭىراعى». بۇگىنگى قازاقتىڭ سايىن دالاسىنان الەمنىڭ ٴار تۇكپىرىنە تاراعان تۇركى تەكتەس تايپالار مەن حالىقتار باسقا ەلدەر مەن وڭىرلەردىڭ تاريحي ۇدەرىستەرىنە ەلەۋلى ۇلەس قوستى» دەگەن سوزدەرىنە توقتالدى.

«حالىقارالىق ارەنادا تۇركى حالىقتارىنىڭ تاتۋلىعى مەن بىرلىگى يدەياسىن نىعايتۋ ىسىندە تۇركى تىلدەس مەملەكەتتەر ىنتىماقتاستىعىنىڭ كەڭەسى ماڭىزدى ورىن الادى»، – دەدى مەملەكەتتىك حاتشى.

بۇل ۇيىمنىڭ قولداۋىمەن جاستار جانە سپورت سالاسىندا ٴىس-شارالار بەلسەندى تۇردە وتكىزىلىپ كەلەدى. باكۋ قالاسىندا 2018 جىلعى ساۋىردە تۇڭعىش رەت تۇركى تىلدەس ەلدەردىڭ ستۋدەنتتىك ويىندارى، قىركۇيەكتە شولپان-اتا قالاسىندا كوشپەندىلەردىڭ ٴىىى دۇنيەجۇزىلىك ويىندارى وتكىزىلدى. كوشپەندىلەردىڭ iv دۇنيەجۇزىلىك ويىندارىن 2020 جىلى تۇركيادا وتكىزۋ جوسپارلانۋدا.

«جاستار جىلى دەپ جاريالانعان الداعى جىل قازاقستان ٴۇشىن مازمۇندى بولماق. بۇل جاستارعا، ولاردىڭ مۇڭ-مۇقتاجىنا، قازاقستاننىڭ بولاشاعىنا ەرەكشە كوڭىل ٴبولۋدىڭ كورىنىسى بولىپ سانالادى»، – دەدى گ.ٴابدىقالىقوۆا.

كەزدەسۋ سوڭىندا مەملەكەتتىك حاتشى گۇلشارا ٴابدىقالىقوۆا تۇركى تىلدەس مەملەكەتتەر ىنتىماقتاستىعىنىڭ كەڭەسى اياسىنداعى ٴوزارا ٴىس-قيمىلدى ودان ٴارى نىعايتۋ ىسىندە قاتىسۋشىلارعا تابىس تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي