BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

مەملەكەت تۇران جولبارىسىن قايتارۋ جوباسىن قارجىلاندىرا باستادى

فوتو: Фото: inform.kz

ۇكىمەتتىڭ ٴباسپاسوز ورتالىعىندا وتكەن بريفينگتە qazaqgeography باسقارۋشى كەڭەسىنىڭ ٴتوراعاسى قانات بايعارين تۇران جولبارىسىن قازاق جەرىنە قايتارۋ جوباسى بويىنشا دايىندىق جۇمىستارى جۇرگىزىلە باستاعانىن ايتتى، دەپ حابارلايدى baq.kz ٴتىلشىسى.

«بۇل باستاما 2013 جىلدان بەرى تالقىلانىپ كەلەدى. بيىل مەملەكەت تاراپىنان ناقتى قولداۋ جاسالدى. بيۋدجەت ناقتىلاندى. وسىلايشا، ٴبىز تۇران جولبارىسى رەينترودۋكسياسىن باستاپ وتىرمىز. بۇل – وڭاي شارۋا ەمەس. وسى جىلدان باستاپ، اۋىل شارۋاشىلىعى مينيسترلىگى قارجىلاندىرۋ شارالارىن باستايدى. وسىعان دەيىن ۇكىمەت تەك دايىندىق شارالارىنا عانا قاتىستى. ال ەندى ول قارجىلاندىرۋدى قولعا العالى وتىر»، - دەدى ول.

قانات ٴبايعاريننىڭ ايتۋىنشا، قازاق جەرىندەگى سوڭعى تۇران جولبارىسى 1950-جىلدارى اتىلىپ تاستالعان. الايدا ماماننىڭ پىكىرىنشە، جىرتقىشتىڭ پوپۋلياسياسىن جاڭعىرتۋ ٴۇشىن الدىمەن ازىق-تۇلىك ماسەلەسىن شەشىپ الۋ كەرەك.

«جولبارىسقا قورەك بولاتىن جان-جانۋارلارىنىڭ پوپۋلياسياسىن رەتكە كەلتىرۋ قاجەت. ال جانۋارلاردىڭ سانىن ارتتىرۋ ٴۇشىن جەم-شوپ تە جاقسى ٴوسۋى شارت. تۇران جولبارىسى كۇنىنە 20-200 كەلى ەت جەيدى. سوندىقتان ىلە-بالقاش رەزەرۆاتىندا قاجەتتى قورەكتىڭ كولەمى بولۋى شارت»، - دەيدى ٴتوراعا.

وسى ورايدا ول اتالعان ماسەلەنى شەشۋ ٴۇشىن قانداي جۇمىستاردىڭ جۇرگىزىلىپ جاتقانىن ايتتى.

«باستاپقىدا رەزەرۆاتتىڭ تەرريتورياسىن زەرتتەۋ جۇمىستارى جۇرگىزىلدى. وعان قوعامدىق ۇيىمداردىڭ قىرۋار قاراجاتى جۇمسالدى. قازاقستاننىڭ گەوگرافيالىق قوعامى دا اتسالىستى. ٴبىز رەزەرۆات تەرريتورياسىن xالىقارالىق ساراپتاۋ شارالارىنا قولداۋ بىلدىردىك. ارينە، باستى مىندەت - مەملەكەتتى تارتۋ. سەبەبى مەملەكەت بولماسا، اتالعان باستامانى ىسكە اسىرۋ مۇمكىن ەمەس. بيىل رەسپۋبليكالىق بيۋدجەتتەن 120 ملن تەڭگە ٴبولىندى. بۇل قارجى رەزەرۆات تەرريتورياسىن جاساقتاۋعا جۇمسالادى»، - دەپ تۇيىندەدى ٴسوزىن قانات بايعارين.

ايتا كەتەيىك، ىلە-بالقاش رەزەرۆاتىنىڭ جالپى اۋدانى – 423 مىڭ گەكتار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي