BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

مەملەكەت يننوۆاسيالىق شاعىن كاسىپكەرلىكتى دامىتۋعا قارجى بولمەك

فوتو: Сергей Барановский

تەحنولوگيالىق دامۋ جونىندەگى ۇلتتىق اگەنتتىك وتاندىق يننوۆاتورلاردىڭ جوبالارىن بيزنەس-ينكۋباتورلاردا دامۋىنا جاعداي جاساماق. وسى ماقساتتا ەلىمىزدە العاش رەت بيزنەستى ينكۋباسيالاۋعا قولداۋ كورسەتۋ باعدارلاماسى ٴوز جۇمىسىن باستادى، دەپ حابارلايدى baq.kz ٴتىلشىسى.

اتالعان باعدارلاما «بيزنەستىڭ جول كارتاسى – 2020» اياسىندا جۇمىس ىستەيدى.

ياعني الەۋەتى جوعارى بيزنەس-ينكۋباتورلاردى ىرىكتەۋ بايقاۋلىق نەگىزدە مۇددەلى مەملەكەتتىك ورگاندار مەن ۇيىمداردىڭ وكىلدەرىنەن، سىرتقى تاۋەلسىز ساراپشىلاردان تۇراتىن كوميسسيامەن جۇزەگە اسىرىلادى.

بايقاۋعا قاتىسقىسى كەلەتىن بيزنەس-ينكۋباتورلارعا ٴتيىستى ينفراقۇرىلىمنىڭ بولۋى، 250 شارشى مەتردەن كەم ەمەس عيماراتتىڭ بولۋى، بيزنەس جوبالاردى ودان ٴارى دامۋىنا ىقپال ەتەتىن ساراپشىلاردىڭ بولۋى جانە كەلىسىم-شارت جاسالعاننان كەيىن بيزنەس جوبالاردىڭ 6 اي مەرزىمىندە ٴوزىن-وزى قارجىلاندىرا الۋ مۇمكىندىگىنىڭ بولۋى، ٴارى بيزنەس-ينكۋباتوردىڭ ستراتەگيالىق جوسپارى بولۋى قاجەت دەگەن تالاپتار قويىلعان.

ناتيجەسىندە كونكۋرسقا 12 ٴوتىنىش تۇسكەن. كوميسسيا 10 ٴوتىنىشتى قابىلداعان.

«ارنايى كوميسسيا 3 بيزنەس-ينكۋباتوردى تاڭداپ الادى. ولارمەن 3 جىلعا كەلىسىم شارت جاسالادى. ٴاربىر تاڭدالعان بيزنەس-ينكۋباتورعا مەملەكەتتەن اي سايىن 6 ملن تەڭگە بەرىلەدى. ول شىعىستاردى قارجىلاندىرۋعا جۇمسالادى. ونىڭ كولەمى 50% اسپاۋى شارت. ال جالپى بيزنەس-ينكۋباتورعا 35 ملن تەڭگە بولىنەدى. كەيىن اگەنتتىك ٴاربىر جىلعا تالاپ قويادى. ول kpi-مەن (جۇمىس تيىمدىلىگى – اۆتور) ەسەپتەلىنەدى. تالاپ ورىندالماسا، كەلىسىم شارت بۇزىلىپ، يگەرىلمەگەن قارجى مەملەكەتكە قايتارىلادى»، - دەدى قر ۇلتتىق ەكونوميكا مينيسترلىگى كاسىپكەرلىكتى دامىتۋ دەپارتامەنتىنىڭ ديرەكتورى شىڭعىس احمەتوۆ.

ونىڭ ايتۋىنشا، بيزنەس ينكۋباتورلاردىڭ ىشىندە داميتىن جوبالارعا ارنايى سالالىق شەكتەۋلەر قويىلمايدى. ولار ٴتيىستى شەشىمدى وزدەرى قابىلدايدى. مۇنداعى ەڭ باستى مىندەت بيزنەس-ينكۋباتور نارىققا قاجەتتى بيزنەس جوبالاردى پايدا بولۋىنا ىقپال ەتۋى شارت.

سونىمەن قاتار شىڭعىس احمەتوۆ بيزنەس ينكۋباتوردا «پىسكەن» ستارتاپ جوبالار الداعى جىلى 50 ملن تەڭگە كولەمىندەگى ارنايى گرانتقا يە بولۋعا مۇمكىندىگى بار ەكەنىن اتاپ ٴوتتى.

«ٴاربىر بيزنەس ينكۋباتورلارداعى الەۋەتى جوعارى ستارتاپ جوبالار 50 ملن تەڭگە كولەمىندەگى مەملەكەتتىك گرانت بەرىلەدى. مۇنداي باعدارلاما العاش رەت پيلوتتىق رەجيمدە جۇزەگە اسىرىلعالى وتىر. ٴتيىستى شەشىمدى ارنايى كوميسسيا شىعارادى»، - دەدى دەپارتامەنت ديرەكتورى.

بايقاۋعا قاتىسىپ جاتقان beintech كومپانياسىنىڭ نەگىزىن قالاۋشى باعدات مۋسين ستارتاپ جوبالاردىڭ بولاشاعى زور ەكەنىن اتاپ ٴوتتى.

«belntech bi group كومپانياسىنىڭ نەگىزىندە قۇرىلعان. سونداي-اق ٴبىز belntech ventures اتتى ٴبولىمدى قۇردىق. ونىڭ ماقساتى – قۇرىلىس يندۋسترياسى سالاسىنداعى ماسەلەلەردى شەشۋ. ال مۇندا شەشىلمەگەن ماسەلە وتە كوپ. سونداي-اق 2020 جىلى قۇرىلىس سالاسىنداعى قارجى اينالىمى الەم بويىنشا 10 ترلن دوللاردى قۇرايدى. سوندىقتان ستارتاپ جوبالار وسى ماقساتتا جۇمىس ىستەيدى. قازىرگى تاڭدا 12-15 ستارتاپ جوبالاردى قولداپ وتىرمىز. ۇناعان ستارتاپ جوبالارعا قاراجاتتى بولۋگە دايىنبىز»، - دەدى ول.

وسى ورايدا بيزنەسمەن قۇرىلىستاعى ستارتاپ جوبالار بويىنشا شەتەلدە جۇمىس ىستەيتىن ارنايى وكىلدىك اشقانىن قۋانىشپەن جەتكىزدى.

«اقش-تا ٴوز كومپانيامىزدى تىركەپ، سول جاقتا وكىلدىگىمىزدى اشتىق. ٴبىز اكسەلەراتور-ينكۋباتور مودەلى بويىنشا اقش-تا جۇمىس ىستەگەلى وتىرعان العاشقى قازاقستاندىق كومپانيامىز. مەملەكەتتىڭ اتالعان سالانى دامىتقىسى كەلەتىنىن تۇسىندىك. ەگەر ۇكىمەت بىزگە كومەكتەسسە، اتالعان سالانى قۋانا-قۋانا دامىتامىز»، - دەدى باعدات مۋسين

ال «زىمىران» بيزنەس-ينكۋباتورىنىڭ يەسى، قاراعاندىلىق كاسىپكەر ٴمادي ساتىبالدينوۆ مەملەكەت شاعىن يننوۆاسيالىق كاسىپكەرلىكتى جەكە سەكتورعا بەرۋ قاجەت دەيدى. ونىڭ پىكىرىنشە، بيزنەسمەندەر اتالعان سالانىڭ دامۋىنا تىكەلەي مۇددەلى.

«سەبەبى، مەملەكەت تاراپىنان ۋنيۆەرسيتەتتەر مەن كۆازيمەملەكەتتىك سەكتورداعى كومپانيالارعا بيزنەستى دامىتۋ ٴۇشىن قوماقتى قاراجات بولىنەدى. سوعان قاراماستان ونداعى ستارتاپ جوبالار ناتيجە بەرمەيدى. وعان كوزىمىز جەتتى. جوبالار داڭعازالىقپەن اشىلادى دا ۋاقىت وتە جابىلىپ قالادى. بۇل جەرگە اقشا ٴۇشىن كەلگەن جوقپىز. بىزگە مەتودولوگيالىق جاعىنان كومەك قاجەت»، - دەپ تۇيىندەدى ٴسوزىن بيزنەسمەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي