BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

مەمقىزمەتكەرلەرگە سىيلىق بەرگەندەر جازالانادى

استانا، baq.kz ٴتىلشىسى. بيىل ەلوردادا مەملەكەتتىك قىزمەتكەرگە سىيلىق جاساعان 6 ازاماتقا ٴىرى كولەمدە ايىپپۇل سالىندى. بۇل تۋرالى qazaqstan تەلەارناسىنىڭ جاڭالىقتار قىزمەتى حابارلايدى.

جىل باسىنان بەرى تەك استانادا مەملەكەتتىك قىزمەتكەرلەرگە سىيلىق جاساعان 6 ادام جازالاندى. ونىڭ تورتەۋى سوت شەشىمىمەن 336 700 تەڭگەدەن ايىپپۇل تولەدى. قالعان ەكى دەرەككە قاتىستى سوت شەشىمى ەندى شىعادى. ولار قىزمەتكەرلەرگە 500، 2000، 3000 تەڭگە كولەمىندە اقشا بەرىپ، «راقمەت» ايتقان.

ناقتىراق ايتساق، استانالىق كاسىپكەر سالىق ەسەبىن تاپسىرۋعا كومەكتەسكەن كىرىستەر كوميتەتىنىڭ قىزمەتكەرىنە 500 تەڭگە بەرگەن. كەيىن ول وسى ارەكەتى ٴۇشىن سوتتالىپ، سوتتىڭ وكىمىمەن 700 ەسە كوپ ايىپپۇل تولەۋگە ٴماجبۇر بولعان. تاعى ٴبىر استانالىق كولىك سالىعىن تولەۋدى تەزدەتكەنى ٴۇشىن قىزمەكتەرگە ٴبىر قوراپ كونفەتتى سىيعا تارتقان.

«merci كونفەتىن بەرگەن ازاماتقا كەشە سوتتىڭ وكىمى شىقتى. ول ٴبىر قوراپ كونفەت ٴۇشىن 337 مىڭ ايىپپۇل تولەيدى»، - دەيدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ استانا قالاسى بويىنشا دەپارتامەنت باسشىسى جازيرا جىلقىشيەۆا.

ۇلتتىق بيۋرو ەندى سىيلىق بەرگەن ازاماتت تا ونى العان مەملەكەتتىك قىزمەتكەر دە قاتاڭ جازالاناتىنىن ەسكەرتىپ وتىر. زاڭسىز الىنعان سىيلىق كولەمى 4 810 تەڭگەدەن (2 اەك) اسسا، مەملەكەتتىك قىزمەتكەرگە اكىمشىلىك جازا رەتىندە 1 ملن 443 مىڭ تەڭگە ايىپپۇل كوزدەلگەن. ال سىيلىق قۇنى ودان جوعارى بولسا، قىلمىستىق جازا قولدانىلادى. سەبەبى، الىعان سىيلىق پارا بولىپ ەسەپتەلىنەدى.

وسى ورايدا جازيرا جىلقىشيەۆا الداعى ايدا بىرنەشە مەرەكە قاتار كەلەتىندىكتەن «پاكەت» تاسىپ، سىيلىق الماسۋ ٴۇردىسى كوبەيەتىنىن اتاپ ٴوتىپ، اباي بولۋعا شاقىردى.

«الداعى ايدا مەرەكەلەر كوپ. بۇرىن ولار مەملەكەتتىك ورگاندارعا سىيلىقتارىمەن كەلىپ جاتاتىن. ونى ەندى ەسكەرتەمىز. بۇلاي بولمايدى، بۇل زاڭعا قايشى. مىندەتتى تۇردە جازالاناسىز. ال، رەسمي جيىندار مەن دەلەگاسيالاردىڭ ساپارىنان تۇسەتىن سىيلىقتار مەن كادەسىيلار ارنايى مەملەكەتتىك قورعا تاپسىرىلۋى كەرەك»، - دەيدى دەپارتامەنت باسشىسى.

ەندى رەسمي جيىندار مەن دەلەگاسيالار ساپارىنان تۇسەتىن سىيلىقتار مەن كادەسىيلاردى 7 كۇن ىشىندە ارنايى مەملەكەتىك قورعا وتكىزىلۋى كەرەك.

قازىرگى تاڭدا مەملەكەتتىك مۇلىك جانە جەكەشەلەندىرۋ كوميتەتىنە قاراستى رەسمي سىيلىقتار قويماسىندا قۇنى 3 ملن تەڭگەدەن اساتىن 1400-دەن استام سىيلىق پەن كادەسىي جينالىپ قالعان. ونىڭ ىشىندە قىمبات الكوگول ونىمدەرى مەن گالستۋكتار، ۇيالى تەلەفوندار مەن قىمبات كارتينالار دا بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي