USD 334.89 EUR 361.61 RUB 5.28
استانا:

ٴماجىلىس ساۋساق ٴىزىن تاپسىرۋدى مىندەتتەيتىن زاڭ جوباسىن ماقۇلدادى

بۇگىن پارلامەنت ٴماجىلىسىنىڭ پلەنارلىق وتىرىسىندا «داكتيولوسكوپيالىق جانە گەنومدىق تىركەۋ تۋرالى» زاڭ جوباسى ٴبىرىنشى وقىلىمدا ماقۇلدادى، دەپ حابارلايدى baq.kz ٴتىلشىسى.

اتالعان زاڭ جوباسىن قر ىشكى ىستەر ٴمينيسترى قالمۇxانبەت قاسىموۆ تانىستىردى.

«داكتيولوسكوپيالىق جانە گەنومدىق تىركەۋ تۋرالى» زاڭ جوباسى ەلباسىنىڭ تاپسىرماسى بويىنشا دايىندالدى. مۇنداي زاڭ جوبالارى الەمدىك تاجىريبەدە بار. اقش ساۋساق ٴىزىن تاپسىرۋدى 2004 جىلدان باستاپ كەتتى. ەۋرووداقتا 2007 جىلى باستالدى. باۋىرلاس تۇركيا مەملەكەتى 2009 جىلى قولعا الدى.سوڭعى جىلدارى ەلىمىزدە ٴتۇرلى اپات سالدارىنان مەرت بولعان ازاماتتاردىڭ كىم ەكەندىگىن انىقتاۋ مۇمكىن بولماي جاتقان جايتتار كوپ. داكتيلوسكوپيالىق جانە گەنومدىق تىركەۋدەن ٴوتۋ تابيعي اپاتتار، لاڭكەستىك اكتىلەر، اۆياسيالىق جانە جول-كولىك وقيعالارى سىندى توتەنشە جاعدايدار كەزىندە قازا تاپقان ادامداردىڭ اتى-جوندەرىن انىقتاۋعا مۇمكىندىك بەرەدى»، - دەيدى ق.قاسىموۆ.

ونىڭ ايتۋىنشا، قىتايدا دا وسىنداي زاڭ جوباسى بار ەكەن. ال تمد ەلدەرىنىڭ ىشىندە رەسەي ٴبىرىنشى بولىپ قابىلداعان. سونداي-اق وسىعان ۇقساس زاڭ بەلارۋ، وزبەكستان، مولدوۆا،تاجىكستاندا قابىلدانعان.

مينيستر ساۋساق تاڭباسىن تاپسىرۋ شەتەلدىكتەرگە تولىقتاي مىندەتتى ەكەنىن ايتتى. ال قازاقستان ازاماتتارى جەكە باس كۋالىگىن اۋىستىرعان كەزدە جانە شەتەلگە شىعاتىن ۋاقىتتا تاپسىرماق. ياعني ٴاربىر ازاماتتىڭ جەكە كۋالىگىنىڭ چيپىنە 3d پورترەتى پەن ساۋساق ىزدەرى ەنگىزىلەدى. مۇنداي تىركەۋلەر ٴتۇرلى اپات كەزىندە ازاماتتاردى تەز انىقتاۋعا جانە قىلمىستى اشۋعا مۇمكىندىك بەرمەك.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي