BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ماۋلەن اشىمبايەۆ تاۋەلسىزدىك كۇنىن ەرەكشە اتاپ وتۋگە شاقىردى

استانا، baq.kz. «نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ ەلىمىزدەگى بارشا جەكە كاسىپكەرلەر مەن كاسىپورىنداردى جانە حالىققا قىزمەت كورسەتىپ وتىرعان جەكە ۇيىمداردى تاۋەلسىزدىك كۇنىن ناعىز ەلدىكتىڭ، ەگەمەندىكتىڭ مەرەكەسى رەتىندە اتاپ وتۋگە شاقىردى.

قۇرمەتتى دوستار!

ەندى ساناۋلى كۇندەردەن كەيىن ەلدىگىمىزدىڭ بويتۇمارىنداي بولعان تاۋەلسىزدىك كۇنىن تويلايمىز. بۇل – حالقىمىز ٴۇشىن اسا قاسيەتتى ٴارى قاستەرلى مەرەكە. ويتكەنى ٴبىز ازاتتىقتىڭ ارقاسىندا الەمدىك قاۋىمداستىققا ەتەنە ەنىپ، ونىڭ تولىق مۇشەسى اتاندىق. ەشكىمگە جالتاقتاماي، ەرتەڭىمىزدى ٴوزىمىز باعامدايتىن، ساياساتىمىزدى ۇلتتىق مۇددەگە ساي جۇرگىزەتىن دەڭگەيگە جەتتىك.

ەلباسىمىزدىڭ دانا باسشىلىعىمەن تاۋەلسىزدىك جىلدارىندا ەل دامۋىنىڭ جاڭا ەكونوميكالىق جانە ساياسي نەگىزى قالىپتاستى. حالىقتىڭ ٴال-اۋقاتى مەن الەمدىك دەڭگەيدەگى ابىروي-بەدەلىمىز دە ايتارلىقتاي ارتا ٴتۇستى. سوندىقتان تاۋەلسىزدىك كۇنىن اتاپ وتۋدە وتانعا دەگەن ماحابباتتىڭ جارقىن ۇلگىسىن كورسەتۋ ٴار قازاقستاندىقتىڭ ازاماتتىق بورىشى بولۋى ٴتيىس. ول ٴۇشىن مەملەكەتتىك دەڭگەيدەگى مەرەكەلىك ىس-شارالارمەن شەكتەلمەي، ٴار ادام تاۋەلسىزدىك مەيرامىن تويلاۋعا از دا بولسا ٴوز ۇلەسىن قوسۋعا تىرىسۋى قاجەت.

وسىعان وراي بارشا جەكە كاسىپكەرلەر مەن كاسىپورىنداردى جانە حالىققا قىزمەت كورسەتىپ وتىرعان جەكە ۇيىمداردى تاۋەلسىزدىك كۇنىن ناعىز ەلدىكتىڭ، ەگەمەندىكتىڭ مەرەكەسى رەتىندە اتاپ وتۋگە شاقىرامىز. ياعني مەرەكە كۇندەرى سورەلەر مەملەكەتتىك رامىزدەردىڭ تۇسىمەن بەزەندىرىلىپ، قىزمەتكەرلەر ۇلتتىق ناقىشقا ساي كيىمدەر كيسە، ساۋدا ورىندارىندا ارنايى اكسيالار مەن جەڭىلدىكتەر سياقتى بىرەگەي باستامالار قولعا الىنسا مەرەكەنىڭ ماڭىزى مەن ٴمانى ودان ٴارى ارتا تۇسەتىنى انىق.

قالاي دەسەك تە، بۇل كۇندەرى ٴار قازاقستاندىق مەرەكەلىك كوڭىل-كۇيگە بولەنىپ، بارلىق قوعامدىق ورىنداردا تاۋەلسىزدىكتىڭ ٴمانى مەن ماڭىزى ايقىن سەزىلىپ تۇرۋى ٴتيىس. سول كەزدە ٴبىز اتا-بابامىز اڭساعان ازاتتىقتىڭ باعاسىن پايىمداپ، جاڭا قازاقستان تاريحىنداعى ەڭ ۇلىق كۇنگە دەگەن قۇرمەتىمىزدى كورسەتەر ەدىك.

ەگەر وسى باستاماعا ٴبارىمىز ٴبىر كىسىدەي اتسالىسىپ، ٴوز ۇلەسىمىزدى قوسساق، تاۋەلسىزدىك كۇنىنىڭ شىن مانىندە جالپىۇلتتىق جانە ٴار قازاقستاندىقتىڭ اسىعا كۇتەتىن ەڭ باستى مەرەكەسىنە اينالاتىنىنا كامىل سەنەمىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي