USD 334.31 EUR 355.17 RUB 5.31
استانا:

ماكس بوقايەۆ ماڭىزدى كۋاگەردەن جاۋاپ الۋعا كەدەرگى جاسادى

بۇگىن №2 اتىراۋ قالالىق سوتىندا بيىل كوكتەمدە اتىراۋدا «جەر ميتينگىلەرىن» وتكىزگەن ماكس بوقايەۆ پەن تالعات ايانوۆتىڭ ٴىسى بويىنشا باستى سوت وتىرىسى ودان ٴارى جالعاستى. بۇگىنگى وتىرىستا وقيعاعا قاتىسى بار كۋاگەرلەردىڭ ٴبىرى – توقتار تولەشوۆتىڭ قىزمەتكەرى نۇرعالي دوسانبايەۆتان جاۋاپ الىنۋ ٴتيىس بولاتىن. دەگەنمەن، م.بوقايەۆ سوت پروسەسىن ٴۇزۋ ٴۇشىن اۋىرىپ تۇرمىن دەپ شۋ شىعارعاندىقتان سۋديا وتىرىستى تۇستەن كەيىنگە قالدىرۋ تۋرالى شەشىم قابىلدادى.

سوت وتىرىسىنىڭ باسىندا ايىپتالۋشىلار م.بوقايەۆ پەن ت.ايانوۆتىڭ قورعاۋشىلارى ٴىس بويىنشا كۋاگەرلەر اتىراۋ قالالىق سوتىنا كەلىپ جاۋاپ بەرسىن دەگەن ٴوتىنىش جاسادى. ٴبىراق، سۋديا گ.داۋلەشوۆا كۋاگەرلەردىڭ دالەلدى سەبەپتەرى بولعاندىقتان جانە وسىعان بايلانىستى ولار رەسمي ٴوتىنىش جازعاندىقتان قورعاۋشىلاردىڭ ٴوتىنىشىن قاناعاتتاندىرعان جوق.

وسىدان كەيىن قورعاۋشى تاراپ پروسەسكە تولىققاندى دايىندالۋ ٴۇشىن قوسىمشا ۋاقىت كەرەك ەكەندىگىن ايتىپ قالدى. بالكىم، وسى ٴۇشىن ۋاقىتتى سوزۋ، ماڭىزدى كۋاگەردەن جاۋاپ الۋ پروسەسىن ٴۇزۋ جانە سوت وتىرىسىن كەيىنگە قالدىرۋ ماقساتىندا بولار، ايىپتالۋشى م.بوقايەۆ بۇكىل زالعا ٴوزىن ناشار سەزىنەتىنىن ايتىپ، ايعايعا باستى. سۋديا ايىپتالۋشىنىڭ تاعى دا كامەراعا ويناپ، پروسەسس جۇرگىزۋگە كەدەرگى كەلتىرىپ تۇرعانىن ايتىپ، كۋاگەردەن جاۋاپ العىسى كەلىپ ەدى، ايىپتالۋشى وتىمدە تاس بار، ٴىشىم اۋىرىپ تۇر دەپ قويمادى. بۇدان كەيىن سۋديا 10 مينۋتقا ٴۇزىلىس جاريالاپ، جەدەل-جاردەم قىزمەتى شاقىرىلدى. دارىگەر تەكسەرىستەن كەيىن ايىپتالۋشىعا ەكپە جاساپ، ەكى-ۇش ساعات تىنىققاننان كەيىن سوت پروسەسىنە ٴارى قاراي قاتىسا الادى دەگەن قورىتىندىعا كەلدى. مامان ساۋساقپەن ٴىشىن باسىپ قانا ايىپتالۋشىدان اسقىنعان حولەسيستيت، پانكەرەاتيت، جۇيكە سيندرومى مەن وتتە تاستىڭ جينالۋى اۋرۋلارىن انىقتادى. دارىگەر اۋرۋلاردىڭ تۋىنداۋىنا جۇيكە جۇيەسىنىڭ اسەرى مول دەيدى.

اتاپ وتسەك، بۇگىنگى سوت وتىرىسىندا «سىرا كورولىنىڭ» يەلىگىندە بولعان «دارحان group» ٴجشس-نىڭ باس ديرەكتورىنىڭ ٴىس باسقارماسىنىڭ باستىعى قىزمەتىن اتقارعان ن.دوسانبايەۆتىڭ ٴوزى جاۋاپ بەرۋى كەرەك. ول ت.ايانوۆقا 100 مىڭ اقش دوللارىن جەتكىزۋ جۇمىسىن ۇيىمداستىرعان بولاتىن.

ەسكە سالا كەتسەك، 2016 جىلدىڭ ٴساۋىر ايىندا ت.ايانوۆ پەن م.بوقايەۆ جەر زاڭناماسىنا قوعامنىڭ قىزىعۋشىلىعى ارتقان ٴساتىن پايدالانىپ، «جەر ماسەلەسى» بويىنشا قارسىلىق اكسيالارىن ۇيىمداستىرعان. سونداي-اق، ولاردىڭ جەر كودەكسىنە ەنگىزىلگەن تۇزەتۋلەردى الىپ تاستاۋعا قارسىلىق ٴبىلدىرۋ ٴۇشىن جۇرتتى 21 مامىردا قارسىلىق اكسياسىنا شىعۋعا شاقىرعاندىعى انىقتالدى. م.بوقايەۆ پەن ت.ايانوۆتىڭ قر قىلمىستىق كودەكسىنىڭ ٴۇش بابى بويىنشا ايىپتار تاعىلۋدا. اتاپ ايتساق، ولار: 174 باپتىڭ 2 تارماعى، ياعني، الەۋمەتتىك جانە ۇلتتىق الاۋىزدىق تۋعىزۋعا باعىتتالعان قاساقانا ىس-ارەكەتتەر جاساۋ، ازاماتتاردىڭ ۇلتتىق نامىسى مەن قادىر-قاسيەتىنە ٴتىل تيگىزۋ; 274 باپتىڭ 4 تارماعى، ياعني، قوعامدىق ٴتارتىپتى بۇزۋعا ٴقاۋىپ توندىرەتىن كوپە-كورىنەۋ جالعان اقپارات تاراتۋ; 400 باپ، ياعني، زاڭسىز شەرۋلەردى ۇيىمداستىرۋ، وتكىزۋ جانە وعان قاتىسۋ.

كوممەنتاريي2
ساگيدا
مەنىڭشە بوستان بوسقا دارىگەر شاقىرتۋ وزىنە نازار اۋدارۋ جانە ۋاقىت سوزۋ ٴۇشىن ىستەلىنگەن سياقتى، سەبەبى دارىگەر ايتقان اۋرۋلار ٴۇش ادامنىڭ ەكەۋىندە كەزدەسەدى ەمەس پە
جانگەلدى
دالاگا شىككاندا جۋرەگى ساۋ بولگان، كازىر نەگە اۋرىپ جۋر، اكشانى الگاندا دا ەشتەنە اۋرگان جوك، ال كازىر سوتتان نە ستەگەنى بيلمي تۋرمىن. اكشا الۋگا شاما بولگان، ادامداردى الداپ جۋرىپ، بىز وتان ۋشىن دەپ جۋردى. كىم وسىلاي ستيدى؟ زان بويىنشا بارىن ستەسە بارى جاكسى بولارەدى، بىراك ولاردىن ماسەلەرى باسكا بولگان.

ۆاش كوممەنتاريي بۋدەت وپۋبليكوۆان پوسلە مودەراسيي