BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

مادەنيەت سالاسىنداعى دەرەكتەردى بىرىكتىرەتىن ە-culture پورتالى ىسكە قوسىلادى

فوتو: primeminister.kz

مادەنيەت جانە سپورت ٴمينيسترى اقتوتى رايىمقۇلوۆا ۇكىمەت ۇيىندە وتكەن ٴباسپاسوز ٴماسليحاتىندا قازاقستانداعى مادەني مۇرالاردى سيفرلاندىرۋ قالاي جۇزەگە اسىپ جاتقانىن ايتتى، دەپ حابارلايدى baq.kz ٴتىلشىسى.

«مادەني نىسانداردى سيفرلاندىرۋ جۇمىستارىن مادەنيەت جانە سپورت مينيسترلىگى، ۇلتتىق مۋزەي اتقارادى. اتالعان ۇيىمنىڭ باسشىلىعىمەن بەلگىلەنگەن باعدارلاما انىقتالدى. بۇگىندە «قوجا-احمەت ياسساۋي» كەسەنەسىن، ۇلىتاۋ قورىعىنداعى «جوشى حان» كەسەنەسىن، تارازداعى «ايشا ٴبيبى» كەسەنەسىن سيفرلاندىرۋعا ارنالعان پيلوتتىق جوبالار ازىرلەندى»، - دەدى رايىمقۇلوۆا.

ول مادەني مۇرانىڭ جىلجىمالى جانە جىلجىمايتىن ەكى ٴتۇرى بارىن ايتىپ، ەڭ الدىمەن جىلجىمايتىن تاريحي ەسكەرتكىشتەر سيفرلاندىرىلاتىنىن اتاپ ٴوتتى.

«بۇل باعدارلاما مادەني مۇرانى ساقتاۋعا جانە قولدانبالى عىلىمي زەرتتەۋدە وتە ماڭىزدى، سەبەبى سيفرلاندىرىلعان نىسانداردى بارشا الەمگە كورسەتۋگە، 3d تۋر عانا ەمەس ناعىز ەففەكتىلەردى قوسۋ ارقىلى جەردىڭ كەز كەلگەن نۇكتەسىندە سول جەرگە بارىپ-كەلگەندەي اسەر بەرۋ ٴۇشىن ٴوز ەلىمىزگە تارتۋعا باعىتتالعان»، - دەدى ۆيسە-مينيستر.

رايىمقۇلوۆانىڭ ايتۋىنشا، جىلجىمالى مادەني مۇرانى سيفرلاندىرۋعا باعىتتالعان ە-ارحيۆ مەملەكەتتىك باعدارلاماسى ارقىلى 9-10 عاسىردان بەرى كەلە جاتقان تاريحي، ارحيۆ قۇجاتتارى، شىعارماشىلىق قۇندىلىقتارىمىز كىتاپحانادا ساقتالىپ كەلەدى.

«جىلجىمالى مادەني مۇرا بويىنشا وپەراتور – ۇلتتىق اكادەميالىق كىتاپحانا. ٴقازىر ٴبىز ە-culture پورتالىن ازىرلەپ جاتىرمىز. پورتال جوعارىدا ايتىلعان جوبالاردى جانە مادەنيەت سالاسىندا سيفرلانعان جانە سيفرلانباعان بارلىق دەرەكتەردى بىرىكتىرەدى. ونىڭ ىشىنە «قاسيەتتى قازاقستان» باعدارلاماسى، ەلىمىزدىڭ تۋريستىك تارتىمدىلىعى تۋرالى دەرەكتەرىن ەنگىزىلەدى. بىلتىر دا، بيىل دا پيلوتتىق جوباعا بەلگىلەنگەن سومادا قارجى ٴبولىندى»، - دەدى مادەنيەت جانە سپورت ٴمينيسترىنىڭ ورىنباسارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي