BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ليفت قىزمەتىنە قاتىستى استانا ۇلگىسى وڭىرلەردە ەنگىزىلمەك

استانا، baq.kz ٴتىلشىسى. «اتامەكەن» ۇكپ استانانىڭ ليفت ماسەلەسىنە قاتىستى شەشىمدەرىن باسقا وڭىرلەردە ىسكە اسىرۋدى ۇسىندى. بۇل تۋرالى «اتامەكەن» ۇكپ باسقارما ٴتوراعاسىنىڭ ورىنباسارى رۋستام ٴجۇرسىنوۆ ۇلتتىق پالاتا ٴتورالقاسىنىڭ كەڭەيتىلگەن وتىرىسىندا مالىمدەدى.

«ٴبىز استانا اكىمدىگىمەن جانە ينۆەستيسيالار جانە دامۋ مينيسترلىگىمەن بىرلەسە ٴوزىن-وزى رەتتەيتىن ۇيىم قۇردىق. ولاردىڭ قاتىسۋشىلارىن ساقتاندىرىپ، ۇلتتىق ستاندارتتى ازىرلەدىك. ليفت قويۋ مەن قىزمەت كورسەتۋ تالاپتارىن قابىلداپ، ليفتىلەردى تەكسەرىپ جۇيەلى پروبلەمالاردى انىقتادىق. پيك-پەن كەزدەسۋ وتكىزىپ، ولار تەك ادال نيەتتى ليفت ۇيىمدارىمەن جۇمىس ىستەيدى دەپ كەلىستىك. ناتيجەسىندە شاعىمدار سانى ٴۇش ەسەگە ازايدى. ەڭ باستىسى، وسى سالاعا قاتىستى جاۋاپ بەرىپ، جەكە جاۋاپكەرشىلىكتى الاتىن ناقتى تۇلعالار بار. ٴبىز وسى تاجىريبەنى باسقا وڭىرلەردە قولدانۋدى ۇسىندىق. كەلەر جىلى بۇل وڭ تاجىريبەنى باسقا دا سالالارعا تاراتۋعا بولادى»، - دەدى ول.

پرەمەر-مينيستر بۇل ۇسىنىستى قولدايتىنىن جەتكىزىپ، قازىرگى تاڭدا ۇكىمەت وسى باعىتتا جەرگىلىكتى اتقارۋشى ورگاندارمەن جۇمىس ىستەپ جاتقانىن ايتتى.

«ەگەر ٴوزىن-وزى رەتتەيتىن ۇيىم ەرىكتى تۇردە جۇمىس ىستەسە جانە جاقسى تاجىريبە بولسا ليفت شارۋاشىلىعى بويىنشا ايتىلعاندارمەن كەلىسەمىن. وڭىرلەردە ماسەلە بارىن بىلەمىز، كوپ سۇراقتار قويادى. مەملەكەت باسشىسىنىڭ جولداۋى اياسىندا ليفت بويىنشا اكىمدىكتەرمەن جۇمىس ىتسەپ جاتىرمىز. ەشكىم قىزمەت كورسەتەتىن ۇيىم ٴتاريفتى تومەندەتسىن دەمەيدى. ماسەلە سول ليفتىلەردىڭ سول اقشاعا قالاي قىزمەت كورسەتەتىنىندە بولىپ وتىر. پيك بويىنشا دا وسىنداي ماسەلە. قىزمەت ٴتاريفىن تومەندەتۋدى سۇرامايدى، حالىق اۋلانىڭ تازالانبايتىنىن ايتادى. اقشانىڭ قايدا كەتەتىنىن قاراۋ قاجەت. ەگەر وڭ تاجىريبە بولسا، ٴبىز ونى تاراتامىز»، - دەدى ساعىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي