BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قۋاندىق بيشىمبايەۆ 10 جىلعا باس بوستاندىعىنان ايىرىلدى

فوتو: news.rambler.ru

بۇگىن قر ۇلتتىق ەكونوميكا ەكس-مينيسترى قۋاندىق بيشىمبايەۆقا قاتىستى سوت ۇكىمى شىقتى، دەپ حابارلايدى baq.kz ٴتىلشىسى.

استانا قالاسى قىلمىستىق ٴىس بويىنشا مامانداندىرىلعان اۋدانارالىق سوتتا قۋاندىق بيشىمبايەۆقا قاتىستى سوتتا ۇكىم شىعارىلدى.

«قۋاندىق بيشىمبايەۆتى قر قىلمىستىق كودەكسىنىڭ 366-بابى 4-تارماعى، 28-باپتىڭ 3-تارماعى، 189-باپتىڭ 4-تارماعى بويىنشا كىنالى دەپ تاۋىپ، 10 جىلعا باس بوستاندىعىنان ايىرىلسىن. جازاسىن قىلمىستىق اتقارۋ جۇيەسىندەگى ٴتارتىبى قاتال مەكەمەدە وتەسىن. سونداي-اق، مەملەكەتتىك قىزمەتتە جانە جارناسى 50%-دان اسپايتىن مەملەكەتتىك ۇيىمداردا باسشىلىق ەتۋ قۇقىعىنان ٴومىر بويىنا ايىرىلسىن»، - دەدى سۋديا ٴادىلxان شايxيسلاموۆ سوتتا.

سونىمەن قاتار، سۋديا بيشىمبايەۆتىڭ قىلمىستىق جولمەن تاپقان مۇلكىن تاركىلەۋگە ۇكىم شىعاردى.

«قىلمىستىق جولمەن تابىلعان قارجىعا الىنعان مۇلكى تاركىلەنسىن»، - دەدى سۋديا.

ەستەرىڭىزگە سالا كەتەيىك، قر ۇلتتىق ەكونوميكا مينيسترلىگىنىڭ بۇرىنعى باسشىسى قۋاندىق بيشىمبايەۆقا قاتىستى سوت پروسەسى 2017 جىلدىڭ 7 قاراشاسىندا باستالعان.

وعان قىزىلورداداعى شىنى زاۋىتىن سالۋعا بولىنگەن 1 ملرد تەڭگەنى جىمقىرىپ، قىلمىستىق ٴىستى ۇيىمداستىرعان دەگەن ايىپتار تاعىلعان. كەيىن ەكس-مينيستردىڭ ادۆوكاتتارى جۋرناليستەرگە قۋاندىق بيشىمبايەۆتىڭ سوت پروسەسىنىڭ ٴادىل وتەتىنىنە سەنەتىنىن مالىمدەگەن.

سونىمەن قاتار، ولار قر ۇلتتىق ەكونوميكا مينيسترلىگىنىڭ بۇرىنعى باسشىسىنا «مەملەكەت قارجىسىن جىمقىردى» دەپ تاعىلعان ايىپتىڭ ورىنسىز ەكەنىن اتاپ ٴوتىپ، تەرگەۋ بارىسىندا ورەسكەل زاڭبۇزۋشىلىقتار بولعانىن اشىق ايتقان.

قۋاندىق بيشىمبايەۆ سوت پروسەسى كەزىندە ەلباسى نۇرسۇلتان نازاربايەۆتان كەشىرىم سۇراپ، تەرگەۋ امالدارىنىڭ ادىلەتسىز جۇرگىزىلىپ جاتقانىن مالىمدەگەن. سونىمەن قاتار، ول استانا ىرگەسىنەن قالاي ٴزاۋلىم ٴۇي سالعانىن تۇسىندىرگەن.

سونداي-اق، پروسەسس بارىسىندا پروكۋرور ەكس-مينيستر قۋاندىق بيشىمبايەۆتى 12 جىلعا باس بوستاندىعىنان ايىرۋدى سۇرادى. الايدا سوتتا قۋاندىق بيشىمبايەۆ وزىنە تاعىلعان ايىپتاردى مويىنداماعان بولاتىن. ٴبىر جىلعا جۋىق قاماۋدا جاتقان جاۋاپكەر ٴوز سوزىندە الدىمەن ەل ازاماتتارىنىڭ قامىن ويلاعاندىعىن، سىرىن بىلمەسە دە، سىرتتان كەلگەن ادامدارعا سەنىپ، جۇمىسقا العانىن، اقىرى جۇمىستىڭ وسىلاي جايسىز اياقتالعانىن ايتقان. 38 جاستاعى ەكس-مينيستر حالىقتان دا كەشىرىم سۇراعان بولاتىن.

ايتا كەتەيىك، قۋاندىق بيشىمبايەۆپەن قاتار اتالعان اتىشۋلى سوت ىسىندە 22 ادامعا ايىپ تاعىلىپ، تەرگەۋ جۇرگىزىلگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي