BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قوجامجاروۆ پروكۋراتۋرا قىزمەتكەرلەرىن قۇتتىقتادى

استانا، baq.kz. بۇگىن قازاقستان پروكۋراتۋرا ورگاندارىنىڭ قۇرىلعانىنا 27 جىل تولدى. كاسىبي مەرەكەگە وراي قايرات قوجامجاروۆ پروكۋراتۋرا ورگاندارىنىڭ قىزمەتكەرلەرىن قۇتتىقتادى.

قۇرمەتتى پروكۋراتۋرا ورگاندارىنىڭ قىزمەتكەرلەرى!

پروكۋراتۋرا كونستيتۋسيالىق فۋنكسيالارى مەن ەل اۋماعىندا زاڭدىلىقتىڭ ساقتالۋىنا جوعارعى قاداعالاۋدى جيىرما جەتى جىل جۇرگىزىپ كەلەدى.

پرەزيدەنتتىڭ تاپسىرماسى بويىنشا وسى جىلدارى اسا نازارىمىزدا ازاماتتاردىڭ قۇقىقتارىن، مەملەكەت پەن قوعامنىڭ مۇددەلەرىن قورعاۋ بولدى.

ەلباسى نۇرسۇلتان ٴابىش ۇلى نازاربايەۆ اتاپ وتكەندەي، پروكۋراتۋرا قۇقىق ۇستەمدىگىن قامتاماسىز ەتۋدە باستى ٴرولدى اتقارادى.

قىلمىستىق-قۇقىقتىق سالادا اۋقىمدى زاڭنامالىق، ينستيتۋسيونالدىق جانە قۇرىلىمدىق رەفورمالار جۇرگىزىلدى.

باس پروكۋراتۋرانىڭ باسشىلىعىمەن قىلمىستىق جانە قىلمىستىق-پروسەستىك كودەكستەر، «پروكۋراتۋرا تۋرالى»، «جابىرلەنۋشىلەرگە وتەماقى قورى تۋرالى»، قارجىلىق پيراميدالاردىڭ قىزمەتىنە قارسى ٴىس-قيمىل تۋرالى زاڭدار ازىرلەنىپ، قابىلداندى.

قىلمىستىق پروسەسس جاڭارىپ، وعان العاشقى رەت تەرگەۋ سۋدياسى، پروسەسس پروكۋرورى ينستيتۋتتارى، جاسىرىن تەرگەۋ ارەكەتتەرى، بۇيرىقتىق ٴىس جۇرگىزۋ، پروسەستىك كەلىسىمدەر ەنگىزىلدى.

پارلامەنتپەن بىرلەسىپ، باس پروكۋراتۋرا قىلمىستىق زاڭنامانى ىزگىلەندىرۋ بويىنشا ۇلكەن جۇمىس جاسادى.

2010 جىلدان بەرى كەزەڭ-كەزەڭمەن گۋمانيزاسيالاۋدىڭ 4 ساتىسى ٴوتتى.

قۇقىقتىق ساياسات تۇجىرىمداماسى پروكۋراتۋرا قىزمەتىنىڭ تيىمدىلىگىن ارتتىرىپ، ونى قۇقىق قورعاۋ جۇيەسىنىڭ ۇيىتقىسى دەپ بەكىتتى.

باس پروكۋراتۋرا پرەزيدەنت جانىنداعى قۇقىقتىق ساياسات كەڭەسىنە ەنگىزىلىپ، وندا قۇقىق قولدانۋ پراتيكاسىن جەتىلدىرۋ بويىنشا ماسەلەلەردى كوتەرەدى.

******

«پروكۋراتۋرا تۋرالى» زاڭ بىزگە بارلىق وكىلەتتىك بەردى.

وسى جىلى باس پروكۋراتۋرا ٴبىلىم بەرۋ، جۇمىسپەن قامتۋ، دەنساۋلىق ساقتاۋ، ەڭبەك، ٴتۇرعىن-ۇي مەن تاريف سالالارىندا اۋقىمدى 12 قاداعالاۋ تەكسەرىستەر جۇرگىزدى.

ولاردىڭ ناتيجەسىندە كەشەندى شارالار ازىرلەنىپ، پرەزيدەنت جانىنداعى قاۋىپسىزدىك كەڭەس، ۇكىمەت وتىرىستارىندا جانە قۇقىق قورعاۋ ورگاندارىنىڭ ۇيلەستىرۋ كەڭەسىندە تالقىلاندى

ازاماتتارىمىزدىڭ الەۋمەتتىك-ەكونوميكالىق سالادا بۇزىلعان قۇقىقتارىن قورعاعان قىزمەتكەرلەرگە العىس بىلدىرگىم كەلەدى.

ولار – ماقاشەۆ ەردوس ەرنار ۇلى، رايىمقۇلوۆ داۋرەن بەكمۇحامبەت ۇلى، ستادنيك تاتيانا ۆلاديميروۆنا، ىسقاقوۆ دانيار سۇلتان ۇلى جانە باسقالارى.

پروكۋراتۋرا حالىقتىڭ تۇرمىس-تىرشىلىگىن قامتيتىن باسقا دا ماسەلەلەردى – بيۋدجەت قاراجاتىن ٴتيىمدى پايدالانۋ، قوعامدىق مەنشىكتى، ەكولوگيالىق قاۋىپسىزدىكتى باقىلاۋدا ۇستايدى.

ٴبىزدىڭ اكتىلەرىمىز بويىنشا 34 ملرد تەڭگەگە مەملەكەتتىڭ مۇددەسى قورعالدى، 12 ملرد تەڭگە سوماسىندا مۇلىك قايتارىلدى.

قاداعالاۋدىڭ نەگىزگى باعىتتارىنىڭ ٴبىرى - كاسىپكەرلىك قۇقىقتى قورعاۋ مەن بيزنەسكە قىسىم جاساۋدىڭ جولىن كەسۋ.

پروكۋراتۋرا قاداعالاۋ جۇمىسىنا it تەحنولوگيالاردى ەنگىزۋ ارقاسىندا 3 جىل ىشىندە كاسىپكەرلەردى تەكسەرۋدى 32%-عا ازايتتى.

باقىلاۋشى ورگاندار تەكسەرىستى جوسپارلاۋدا تاۋەكەلگە باعدارلانعان تاسىلگە كوشتى.

پروكۋراتۋرا ٴوز تاراپىنان بيزنەس پەن شارۋاشىلىق داۋلارعا زاڭسىز ارالاسۋدىڭ جولىن كەسۋدى ٴارى قاراي جالعاستىرادى.

قىمباتتى دوستار!

پروكۋراتۋرا ورگاندارىنا كونستيتۋسيا ەلىمىزدەگى زاڭدىلىقتىڭ تۇراقتىلىعىنا جاۋاپكەرشىلىكتى جۇكتەيدى.

مەملەكەت باسشىسىنىڭ قۇقىقتىق قۇرالى رەتىندە ٴبىز ازاماتتاردىڭ قۇقىقتارىن، مەملەكەتتىڭ جانە قوعامنىڭ مۇددەسىن بارىنشا قورعاۋعا مىندەتتىمىز.

پروكۋراتۋرا قىزمەتكەرلەرى – ٴوز بورىشىنا ادال جانە تەك زاڭعا قىزمەت ەتەتىن ناعىز پاتريوتتار.

سىزدەر قاعيداسىنا بەرىك تۇلعا رەتىندە جانە جوعارى كاسىبيلىكتى تانىتا بىلەتىن قايسار ەڭبەكتەرىڭىز ٴۇشىن العىستارعا لايىقسىز.

پروكۋراتۋرا كۇنىن مەرەكەلەۋگە وراي قىزمەت مىندەتتەرىن ادال اتقارعانى جانە زاڭدىلىقتى قامتاماسىز ەتۋگە قوسقان ۇلەسى ٴۇشىن 297 پروكۋرور ماراپاتتالدى، ونىڭ ىشىندە:

كەۋدە بەلگىسىمەن – 88،

مەدالدارمەن – 58،

مەرزىمىنەن بۇرىن جانە كەزەكتەن تىس كلاستىق شەندەرمەن 61،

قۇرمەت گراموتاسى جانە العىسپەن – 90 پروكۋرور.

سىزدەرگە جانە سىزدەردىڭ جاقىندارىڭىزعا مىقتى دەنساۋلىق، وتباسىلىق باقىت-بەرەكە تىلەيمىن!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي