BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قورعاۋشى اقجارقىن تۇرلىبايدىڭ سوزىلعان ىسىنە قاتىستى پىكىر ٴبىلدىردى

قازاقستاندىق ديپلوماتتار قحر گۋانچجوۋداعى يزولياتوردا وتىرعان اقجارقىن تۇرلىبايدىڭ جاعدايىن ٴبىلىپ قايتتى. بۇل تۋرالى ونىڭ قورعاۋشىسى سۇڭقار نۇرماعامبەتوۆ ايتىپ بەردى، دەپ حابارلايدى baq.kz اقپارات اگەنتتىگى.

«قحر، گۋانچجوۋ قالاسىندا كونتراباندا قىلمىسى بويىنشا ٴىسى قايتا قارالىپ، تەرگەۋ يزولياتورىندا وتىرعان وتانداسىمىز اقجارقىن تۇرلىبايعا قاتىستى ايتامىن. سوت وتىرىسىنىڭ بولاتىن كۇنى ٴالى كۇنگە دەيىن ناقتى بەلگىلەنبەدى. بەلگىلەنە سالىسىمەن اقجارقىننىڭ وتباسىنىڭ ٴبىر مۇشەسىمەن بىرگە سوت پروسەسىنە قاتىسۋ ٴۇشىن بىردەن بارامىز. مۇنى جىلدام جۇزەگە اسىرۋ ٴۇشىن قىتاي ۆيزاسىن الدىن الا الىپ قويدىق»، - دەيدى نۇرماعامبەتوۆ.

ادۆوكات اقجارقىندى وتانىنا قايتارۋعا بار كۇشىن سالىپ جاتقاندارىن ايتادى.

«قاجەت بولعان جاعدايدا جانە مۇمكىندىك بەرىلگەن جاعدايدا قىتايداعى قازاقستاندىق ديپلوماتتار اقجارقىنعا بارادى. سىرتقى ىستەر مينيسترلىگىنىڭ قىزمەتكەرلەرىمەن ۇنەمى بايلانىستامىن. سوڭعى كەزدەسۋ وسى جىلى ناۋرىز ايىنىڭ باسىندا ٴوتتى. اقجارقىن دەنساۋلىق جاعدايى قاناعاتتانارلىق جاعدايدا ەكەنىن جانە الداعى ۋاقىتتا بولاتىن ۇدەرىسكە دايىن ەكەنىن ايتتى. بۇدان باسقا، تەرگەۋ يزولياتورى جاعدايىندا ىشتە پايدالانۋعا ارنالعان دەپوزيتتى تولىقتىرۋ مۇمكىندىگى بەرىلدى. اقجارقىن دەپوزيتكە سالىنعان قاراجاتقا ٴوزىنىڭ كوڭىلىنەن شىعاتىن ازىق پەن سۋسىن الادى. ٴتورت جىل بويى ٴبىز اقجارقىننىڭ جاعدايىن جاقسارتۋعا جانە ونى وتانىنا قايتارۋعا بار كۇشىمىزدى سالىپ جاتىرمىز»، - دەيدى ادۆوكات.

ەسكە سالا كەتسەك، اقجارقىن تۇرلىباي 2017 جىلى ناۋرىز ايىندا گۋانچجوۋ اۋەجايىندا ۇستالعان بولاتىن. ونى ەسىرتكى كونترابانداسى بويىنشا ايىپتاعان. كەيىنىرەك ول ٴومىر بويى باس بوستاندىعىنان ايىرىلدى. الايدا 2016 جىلى ٴومىر بويى باس بوستاندىعىنان ايىرۋ جازاسى وزگەرتىلىپ، ٴىس قوسىمشا سوت قاراۋىنا جىبەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي