BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

كوكپاردان كوشپەندىلەر ويىندارىنا نە سەبەپتى جاستار كومانداسى بارعانى بەلگىلى بولدى

بەكبولات تىلەۋحان كوشپەندىلەر ويىندارىنا نە سەبەپتى كوكپاردان جاستار قۇراماسىن اپارعانىن ٴتۇسىندىرىپ بەردى، دەپ حابارلايدى baq.kz اقپارات اگەنتتىگى.

«ٴبىزدىڭ سپورتشىلارىمىز بۇل جولعى كوشپەندىلەر ويىندارىندا جاقسى ونەر كورسەتتى. جالپى، قانداي سپورت تۇرىنەن بولسىن، قازاقستاننىڭ بۇكىل الەمگە «سپورت دەرجاۆاسى» رەتىندە تانىلا باستاعانى راس قوي. ەندى مىنا ۇلتتىق سپورتتا دا قازاق سپورتشىلارىنىڭ مويىنى وزىق شىقتى. كوماندالىق ەسەپتە ەكىنشى ورىندى جەڭىپ الدى. قورجىنىمىزدى التىن، كۇمىس، قولا مەدالمەن تولتىرىپ قايتقان بارلىق سپورتشىلارعا العىستان باسقا ايتارىم جوق. ونىڭ ىشىندە ۇلتتىق سپورتتىڭ اۋدارىسپاق، بايگە، جامبى اتۋ، كوكپار ويىندارىندا جاقسى ناتيجەلەر كورسەتكەن ازاماتتارعا مىڭ دا ٴبىر راحمەت دەيمىن» - دەدى ول

سونىمەن قاتار، ۇلتتىق سپورت تۇرلەرى قاۋىمداستىعىنىڭ پرەزيدەنتى كوكپاردان نە سەبەپتى جاستار قۇراماسى بارعانىن ٴتۇسىندىردى.

«ٴبىزدىڭ نەگىزگى ەرەسەكتەر قۇراماسى بارسا، قىرعىز كومانداسىن ٴبارىبىر ۇتىپ كەتەتىنى انىق قوي. سوندىقتان، كوكپاردىڭ بىلىكتى باپكەرلەرىنىڭ، ماماندارىنىڭ كەڭەسىمەن وسى جولى جاس كوكپارشىلارىمىزدى حالىقارالىق جارىستا ٴبىر سىناپ كورۋدى ۇيعاردىق. اتاپ ايتىپ وتەيىن، قىرعىزستاندا ويناعان قازاقستاننىڭ جاستار كومانداسى. بۇل ۇلكەن سپورتتا بۇرىننان بار تاجىريبە – ٴبىز بۇل كوشپەندىلەر ويىندارىنا كوكپاردان جاستار كومانداسىن جىبەرىپ، ولار دا پىسە بەرسىن، ولار دا تاجىريبەسىن جەتىلدىرە بەرسىن دەپ ەدىك. وسى ٴبىر ماقساتىمىز ورىندالدى. باردى. وينادى. ٴوز دەڭگەيىندە ويىن كورسەتتى» - دەيدى بەكبولات تىلەۋحان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي