BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«قىزىلوردا-ماسكەۋ» اۋە باعىتى اشىلادى

فوتو: Knews.kg

16 شىلدەدەن باستاپ اپتاسىنا 4 رەت (دۇيسەنبى، سارسەنبى، جۇما، سەنبى كۇندەرى) «ماسكەۋ-قىزىلوردا-ماسكەۋ» جاڭا اۋە باعىتى ٴوز جۇمىسىن باستايدى. اۋە تاسىمالى «اەروفلوت» كومپانياسىنىڭ ا-320/321 «ەيرباس»، «boeing-737» ۇشاعى ارقىلى جۇرگىزىلەدى، دەپ حابارلايدى baq.kz اقپارات اگەنتتىگى.

سونىمەن قاتار، «بايقوڭىر-قىزىلوردا» ترانسفەرى دايىندالادى.

«بيىلعى جىلدىڭ مامىر ايىندا «قورقىت اتا» اۋەجايىنىڭ قىزمەتكەرلەرى «اۆياسيالىق اەروفلوت مەكتەبىنىڭ» ماماندارىنان ارنايى وقۋدان ٴوتىپ، ا320/321 اۋە كەمەسىنىڭ تەحنيكالىق قىزمەت كورسەتۋ دايارلىعىن تەكسەرۋدەن وتكىزدى. سونىمەن قاتار، قىزىلوردا وبلىسى جولاۋشىلار كولىگى جانە اۆتوموبيل جولدارى باسقارماسى بايقوڭىر قالاسىنىڭ اكىمشىلىگىمەن اۋە باعىتىنىڭ جۇمىسىن جانداندىرۋ ماقساتىندا اۋەجايعا باراتىن اۆتوبۋستار ماسەلەسى تۋرالى جۇمىستاردى اتقاردى. «اەروفلوت» كومپانياسى ارقىلى ۇشۋ باسقا اۋە كومپانيالارىمەن سالىستىرعاندا ٴبىرشاما ارزان»، - دەدى وبلىس اكىمىنىڭ ورىنباسارى سەرىك سۇلەيمەنوۆ.

ايتا كەتەيىك، بۇگىنگى كۇنى العاشقى رەيسكە بيلەتتىڭ كوپ بولىگى ساتىلعان.

كەستە بويىنشا ۇشاقتىڭ كەلۋ ۋاقىتى – 06:10، ۇشۋ ۋاقىتى جەرگىلىكتى ۋاقىتپەن – 07:20. ساتىپ العان ۋاقىتىنا قاراي بيزنەس-كلاسس بيلەتتەرىنىڭ باعاسى – 167 000-نان باستالسا، ەكونوم-كلاسس بيلەتتەرى 26000-نان باستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي