BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قىزىلوردا وبلىستىق ەكولوگيا دەپارتامەنتىنىڭ لاۋازىمدى تۇلعالارى ۇستالدى

استانا، baq.kz ٴتىلشىسى. قر سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى جاننا باستاروۆا ورتالىق ورگانداردىڭ اۋماقتىق جانە ۆەدومستۆولىق باعىنىشتى ۇيىمدارىنىڭ لاۋازىمدى تۇلعالارىنا قاتىستى تىركەلگەن قىلمىستىق ىستەردى باياندادى.

«قىزىلوردا وبلىسىنىڭ سىبايلاس جەمقورلىققا قارسى قىزمەتىمەن وبلىس بويىنشا ەكولوگيا دەپارتامەنتى باسشىسى ورىنباسارى مەن ٴبولىم باسشىسىنا قاتىستى تەرگەۋ جۇرگىزىلۋدە. ولار قورشاعان ورتاعا ەميسسيالار كولەمىن ارتتىرۋ فاكتىلەرى بويىنشا زاڭدى تۇلعالارعا قاتىستى اكىمىشىلىك وندىرىستەر بويىنشا ايىپپۇل سومالارىن تومەندەتۋ ماقساتىندا قىزمەتتىك وكىلەتتىكتەردى تەرىس پايدالانعان دەگەن كۇدىككە ٴىلىنىپ وتىر. مەملەكەتكە كەلتىرىلگەن زالال 3،6 ملن تەڭگەگە باعالانادى. سوتقا دەيىنگى تەرگەۋ جالعاسۋدا.

سونداي-اق، قاراعاندى وبلىسىنىڭ سىبايلاس جەمقورلىققا قارسى قىزمەتىمەن اۋىل شارۋاشىلىعى مينيسترلىگى ۇلتتىق اگرارلىق عىلىمي ٴبىلىم بەرۋ ورتالىعىنىڭ وبلىستىق اۋىل شارۋاشىلىق تاجىريبەلىك ستانسياسىنىڭ ديرەكتورىنا قاتىستى سوتقا دەيىنگى تەرگەۋ جۇرگىزىلۋدە. ول 23 قاراشادا ستانسيانىڭ بالاسىنداعى تاۋاردى، استىقتى كەدەرگىسىز ىكە اسىرۋ ٴۇشىن كاسىپكەردەن 370 مىڭ سوماسىندا پارا الدى دەگەن كۇدىككە ىلىنگەن. سوتقا دەيىنگى تەرگەۋ جالعاسۋدا.

«جامبىل وبلىسى بويىنشا سىبايلاس جەمقورلىققا قارسى قىزمەتىمەن وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ ورماندار جانە ەرەكشە قورعالاتىن تابيعي اۋماقتار ٴبولىمىنىڭ باسشىسىنا قاتىستى سوتقا دەيىنگى تەرگەۋ جۇرگىزىلۋدە. ول بايزاق اۋدانى جانە اقىرتوبە اۋىلدىق وكرۋگى اۋماعىندا ورماننىڭ قوسىمشا كولەمىن كەسۋ جانە اكەتۋ ارەكەتتەرى بويىنشا اكىمشىلىك جاۋاپكەرشىلىككە تارتپاۋ ٴۇشىن جەكە تۇلعالاردان جۇيەلى تۇردە پارا الۋ بويىنشا كۇدىكتەلۋدە. سوتقا دەيىنگى تەرگەۋ جالعاسۋدا. قىلمىستىق پروسەسستىك كودەكسىنىڭ 201-بابىنىڭ تالاپتارىنا سايكەس سوتقا دەيىنگى تەرگەۋدىڭ وزگە دەرەكتەرى تەرگەۋ مۇددەسى ٴۇشىن جاريا ەتىلمەيدى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي