BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

كەلە جاتقان قىس قانداي بولماق؟

استانا، baq.kz ٴتىلشىسى. ورتالىق كوممۋنيكاسيا قىزمەتىندە قر ەنەرگەتيكا مينيسترلىگى "قازگيدرومەت" رمك الداعى قىسقى كەزەڭدەگى اۋا رايى بولجامىنا ارنالعان ٴباسپاسوز ٴماسليحاتى ٴوتتى. گيدرومەتورتالىقتىڭ ديرەكتورى مارينا شميدت پەن گيدرومەتورتالىقتىڭ اۋا رايىن ۇزاق مەرزىمگە بولجاۋ باسقارماسىنىڭ باسشىسى گۇلميرا اقىشەۆا 2018 جىلدىڭ قاراشا ايى مەن 2019 جىلدىڭ ناۋرىز ايى ارالىعىنا ارنالعان اۋا رايى بولجامىن ايتتى.

"الدىن الا بولجام بويىنشا، قاراشا ايىندا سينوپتيكالىق پروسەسستىڭ ٴجيى الماسۋىنا بايلانىستى اۋا رايى قۇبىلمالى بولىپ، ايازدى جانە جىلى كۇندەر الما كەزەك اۋىسىپ، جاۋىن-شاشىن بولادى. ۇيىتقىمالى جەل سوعىپ، تۇنگى جانە كۇندىزگى ۋاقىتتارى تۇمان ٴتۇسىپ، كوكتايعاق بولادى"، - دەيدى گۇلميرا اقىشەۆا.

قاراشا ايىنىڭ ٴبىرىنشى، ەكىنشى جانە ٴۇشىنشى ونكۇندىگىنىڭ ورتاسىندا اياز ايتارلىقتاي سەزىلەدى. قازاقستاننىڭ سولتۇستىك جارتىسىندا اۋا تەمپەراتۋراسى كۇندىز -5... -10 گرادۋسقا، تۇندە -10...-20 گرادۋسقا تومەندەسە، وڭتۇستىك جارتىسىندا كۇندىز 0... -5 گرادۋسقا، تۇندە -5... -10 گرادۋسقا تومەندەيدى.

جەلتوقسان ايىندا سۋىق انتيسيكلوننىڭ ٴجيى ەنۋىنە بايلانىستى اۋانىڭ ورتاشا ايلىق تەمپەراتۋراسى 1 °س تومەن جانە قار از جاۋادى دەپ كۇتىلۋدە. تەك ەلىمىزدىڭ باتىس جانە شىعىس وڭىرلەرىندە تەمپەراتۋرالىق فون نورماعا جۋىق جانە جاۋاتىن قاردىڭ مولشەرى سولتۇستىك-شىعىس، وڭتۇستىك-باتىس، وڭتۇستىك وبلىستاردىڭ كەي جەرىندە، سونداي-اق وڭتۇستىك-شىعىس جانە شىعىس ايماقتاردىڭ تاۋ جانە تاۋ-بوكتەرلى ايماقتاردا نورماعا جۋىق جاۋادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي