BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

«قازپوشتا» سالەمدەمەنىڭ نەگە كەشىگىپ كەلەتىنىن ٴتۇسىندىردى

«قازپوشتا» اق باسقارما باسشىسى ساكەن سارسەنوۆ بۇگىنگى ٴباسپاسوز ٴماسليحاتى بارىسىندا حالىقتىڭ سالەمدەمەنىڭ نەگە كەشىگىپ كەلەتىنىنە قاتىستى شاعىمىنا جاۋاپ بەردى، دەپ حابارلايدى baq.kz اقپارات اگەنتتىگى.

«سالەمدەمەلەردىڭ جەتكىزىلۋ مەرزىمىنە قاتىستى. بىزدە جەتكىزۋ قىزمەتىنىڭ ەكى ٴتۇرى بار. ٴبىرىنشىسى - قاراپايىم جەتكىزۋ ٴتۇرى. ٴبىز وتكەن 2017 جىلى جەتكىزىپ بەرۋ ۋاقىتىن 16 كۇننەن 6 كۇنگە دەيىن قىسقارتتىق. ٴيا، ٴبىر قالادا تۇرىپ جەتكىزىپ بەرۋ ۋاقىتىنىڭ كەيدە ۇزاققا سوزىلىپ كەتەتىنىن مويىندايمىز. ونداي ماسەلە جوق ەمەس. ٴبىراق بىزدە سالەمدەمەنى جەتكىزۋ ۋاقىتىنىڭ ٴوز رەگلامەنتى بار»، - دەيدى ساكەن سارسەنوۆ.

ونىڭ ايتۋىنا قاراعاندا ەلىمىزدە كەز كەلگەن سالەمدەمەنى كۇنبە-كۇن جەتكىزىپ بەرەتىن دە كۋرەرلىك قىزمەت ٴتۇرى بار.

«ٴبىراق بىزدە جەتكىزىپ بەرۋدىڭ وزىندىك ۋاقىتى بار، ياعني ٴبىز 6 كۇننىڭ ىشىندە سالەمدەمەنى ٴتيىستى ادامىنا جەتكىزىپ بەرۋگە تىرىسامىز. ارينە، ٴبىز بۇل ۋاقىتتى 3 كۇنگە دەيىن قىسقارتۋ ٴۇشىن الدىمىزعا ۇلكەن ماقساتتار قويىپ وتىرمىز. بۇل جۇمىستى ٴبىز اتقارىپ شىعاتىنىمىزعا سەنىمدىمىز. ٴبىزدىڭ تۇتىنۋشىلارىمىز الداعۋ ۋاقىتتا كومپانيادا ۇلكەن وزگەرىس بولاتىنىنا سەنە بەرسە دە بولادى»، - دەيدى كومپانيا باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي