BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

قازاقستاندا ەتنيكالىق قازاقتاردى قولدايتىن «وتانداستار» قورى ٴوز جۇمىسىن باستادى

پرەزيدەنتتىڭ شەتەلدەگى قازاقتاردى قولداۋ بويىنشا بەرىلگەن تاپسىرمالارى نەگىزىندە دۇنيەجۇزى قازاقتارىنىڭ قاۋىمداستىعى جانىنان «وتانداستار» قورى قۇرىلدى، دەپ حابارلايدى baq.kz اقپارات اگەنتتىگى.

بۇل تۋرالى دقق ٴباسپاسوز قىزمەتى مالىمدەدى.

«وتانداستار» قورى شەتەلدەگى جانە قازاقستان رەسپۋبليكاسىنا كوشىپ كەلگەن ەتنيكالىق قازاقتاردى قولداۋ ماقساتىندا قۇرىلعان. قور دۇنيەجۇزى قازاقتارنىڭ قاۋىمداستىعىمەن تىعىز ىنتىماقتاستىقتا جۇمىس ىستەيتىن بولادى» - دەلىنگەن حابارلامادا.

قور ەلباسىنىڭ تىكەلەي باستاماسىمەن قۇرىلعان. دۇنيەجۇزى قازاقتارىنىڭ بەسىنشى قۇرىلتايىندا پرەزيدەنت نۇرسۇلتان نازاربايەۆ شەتەلدە تۇرىپ جاتقان وتانداستارىمىزدى قولداۋ كەرەكتىگىن تاپسىرعان بولاتىن. سول نەگىز بويىنشا «وتانداستار» قورى ٴوز جۇمىسىن باستادى. قوردىڭ نەگىزگى مىندەتتەرى – شەتەلدەگى جانە ەلىمىزگە ورالعان قانداستارىمىزعا مادەني، ٴبىلىم بەرۋ باستامالارى جانە قۇقىقتىق قولداۋ كورسەتۋ.

قور اكسيونەرلەرىنىڭ جينالىسى بارىسىندا دۇنيەجۇزىلىك قازاقتارىنىڭ قاۋىمداستىعى ٴتوراعاسىنىڭ ٴبىرىنشى ورىنباسارى زاۋىتبەك تۇرىسبەكوۆ قوردىڭ ديرەكتورلار كەڭەسىنىڭ ٴتوراعاسى بولىپ سايلاندى. ال قور پرەزيدەنتى بولىپ ساياسي جانە قوعام قايراتكەرى نۇرتاي ابىقايەۆ تاعايىندالدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي