BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ٴقازاقتىلدى سايتتاردىڭ سالماعى دا ارتىپ كەلەدى — داۋرەن ابايەۆ

فوتو: Нұржас Жақсыбай

استانا، baq.kz. بۇل تۋرالى اقپارات جانە كوممۋنيكاسيالار ٴمينيسترى داۋرەن ابايەۆ ٴقازاقتىلدى كونتەنتتى دامىتۋعا ارنالعان «qazaqforum - 2018» كونفەرەنسياسىندا ٴمالىم ەتتى.

شارانى اشقان قر اقپارات جانە كوممۋنيكاسيالار ٴمينيسترى داۋرەن ابايەۆ ٴقازاقتىلدى كونتەنتتىڭ سانى ارتىپ كەلە جاتقانىن العا تارتتى. ونىڭ ايتۋىنشا، بۇگىندە باستى ماقسات - سول كونتەنتتىڭ ساپاسىن ارتتىرۋ.

«بۇگىندە ٴقازاقتىلدى سايتتاردىڭ سانى مەن قاتار سالماعى دا ارتىپ كەلەدى. ۋاقىت تالابىنا ساي ٴوز اۋديتورياسىن قالىپتاستىرعان باسەكەگە بەيىم پورتالداردىڭ قاراسى كوبەيىپ جاتىر. وسى قارقىن جالعاسسا، مەملەكەتتىك ٴتىلىمىزدىڭ مارتەبەسى وسەدى»، - دەدى د.ابايەۆ.

ۆەدومستۆو باسشىسى حابارلاعانداي، اقپاراتتىق سايتتار ارقىلى مەملەكەتتىڭ ساياساتىن xالىققا جىلدام جەتكىزۋگە مۇمكىندىك بار. مىسالى، xالىق مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋxاني جاڭعىرۋ»، « ۇلى دالانىڭ جەتى قىرى» اتتى باعدارلامالىق ماقالالارىنىڭ ماعىناسىنا تەرەڭىرەك ٴۇڭىلدى.

«وسىنداي اۋقىمدى جۇمىستى اتقارعاندارىڭىز ٴۇشىن اقپارات جانە كوممۋنيكاسيالار مينيسترلىگى اتىنان سىزدەرگە العىس ايتامىز. الەم ٴبىر ورىندا تۇرعان جوق. ينتەرنەت ٴتۇرلى باعىتتار بويىنشا جان-جاقتى دامىپ جاتىر. سول سەبەپتى اۋديتورياعا قىزىقتى كونتەنت، وقىرمانعا تارتىمدى پورتال قالىپتاستىرۋ - بۇگىنگى زامان تالابى. ٴقازىر ٴقازاقتىلدى سايتتاردىڭ ٴوز باعىتى قالىپتاسىپ كەلەدى. وسى جايت كوڭىلگە قۋانىش ۇيالاتادى. بۇگىندە ناقتى دەرەگى بار قىسقا دا نۇسقا اقپارات قۇندى. وسىدان ون جىل بۇرىن ٴبىز ٴقازاقتىلدى سايتتار بولسا ەكەن دەپ ويلاتىنبىز. ٴقازىر ونداي سايتتار بار. سانى دا از ەمەس. ەندى، سول سايتتاردىڭ ساپاسىن ارتتىرۋىمىز قاجەت»، - دەدى د. ابايەۆ.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي