BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

قازاقستاننىڭ دەپوزيتتەرگە كەپىلدىك بەرۋ قورىنا جاڭا باسشى كەلدى

قازاقستاننىڭ دەپوزيتتەرگە كەپىلدىك بەرۋ قورىنىڭ ٴتوراعاسى بولىپ ٴابدىراحمانوۆ نۇرلان الماس ۇلى تاعايىندالدى، دەپ حابارلايدى ۆaq.kz اقپارات اگەنتتىگى.

جالعىز اكسيونەرىنىڭ شەشىمىمەن (قازاقستان رەسپۋبليكاسىنىڭ ۇلتتىق بانكى) «قازاقستاننىڭ دەپوزيتتەرگە كەپىلدىك بەرۋ قورى» اق ٴتوراعاسى بولىپ ٴابدىراحمانوۆ نۇرلان الماس ۇلى تاعايىندالدى. سول شەشىممەن ٴابدىراحمانوۆ ن.ا. «قدكبق» اق ديرەكتورلار كەڭەسىنىڭ مۇشەسى بولىپ تاعايىندالدى.

نۇرلان الماس ۇلى ٴابدىراحمانوۆتىڭ قازاقستان رەسپۋبليكاسى ۇلتتىق بانكى جۇيەسىنىڭ ٴادىسنامالىق، باقىلاۋ جانە قارجىلىق نارىقتى قاداعالاۋ سالالارىندا 20 جىلدىق كاسىبي جۇمىس تاجىربيەسى بار.

2007 جىلدان باستاپ 2011 جىلعا دەيىن قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ باعالى قاعازدار نارىعىن، جيناقتاۋشى زەينەتاقى قورلارىن قاداعالاۋ، قارجى نارىعىن جانە قارجى ۇيىمدارىنىڭ ستراتەگيا جانە تالداۋ بويىنشا بولىمشەلەرىن باسقاردى.

سوڭعى جەتى جىل ىشىندە قازاقستان رەسپۋبليكاسى ۇلتتىق بانكىنىڭ قارجى نارىعىنىڭ ٴادىسناماسى دەپارتامەنتى ديرەكتورىنىڭ قىزمەتىن اتقاردى، وندا پرۋدەنسيالدىق رەتتەۋ جانە قاداعالاۋ سالاسىنداعى ٴادىسناما مەن ساياساتتى قالىپتاستىرۋ، رەتتەۋشىلىك ستاندارتتاردى سايكەستەندىرۋ، قارجىلىق نارىقتاردى رەتتەۋ جانە قارجىلىق قىزمەتتەردى دامىتۋ، تۇتىنۋشىلاردىڭ قارجى قىزمەتتەرىنەن حاباردار بولۋىن ارتتىرۋ، سونداي-اق جوسىقسىز تاجىربيە – اقشانىڭ ٴىزىن جاسىرۋ مەن تەرروريزمدى قارجىلاندىرۋعا قارسى ارەكەت ەتۋ سۇراقتارىنا جاۋاپ بەردى. وسى ۋاقىت ىشىندە كوپتەگەن زاڭنامالىق اكتىلەردى ازىرلەۋگە، سونىڭ ىشىندە – شوعىرلاندىرىلعان قاداعالاۋ، ميكروقارجىلىق ۇيىمدار مەن كوللەكتورلىق اگەنتتىكتەر قىزمەتتەرى، تاۋەكەلگە باعىتتالعان قاداعالاۋ ماسەلەلەرى بويىنشا اكتىلەردى ازىرلەۋگە جەتەكشىلىك ەتتى.

ٴار جىلداردا «قازاقستان قور بيرجاسى» اق ديرەكتورلار كەڭەسىنىڭ (بيرجالىق كەڭەستىڭ) مۇشەسى، جالعىز اكسيونەردىڭ وكىلى رەتىندە «قازاقستاننىڭ دەپوزيتتەرگە كەپىلدىك بەرۋ قورى» اق ديرەكتورلار كەڭەسىنىڭ مۇشەسى بولدى. قارجى نارىعىنداعى ماسەلەلەرمەن اينالىستى، ەۋرازيالىق ەكونوميكالىق وداقتىڭ قۇقىقتىق اكتىلەرىن دايىندادى; قارجى نارىعىن رەتتەۋ جانە دامىتۋ باعىتى بويىنشا ەۋرازيالىق ەكونوميكالىق كوميسسيادا (سونىڭ ىشىندە قارجى نارىعىنداعى كونسۋلتاتيۆتىك كوميتەت اياسىندا) قازاقستان رەسپۋبليكاسىن (ۇلتتىق بانك) تانىستىرۋدا جۇمىس اتقاردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي