BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قازاقستاننىڭ باسىم بولىگىندە قۇبىلمالى اۋا رايى ساقتالادى

بۇگىن اتموسفەرالىق فرونتتاردىڭ وتۋىنە بايلانىستى رەسپۋبليكانىڭ باسىم بولىگىندە قۇبىلمالى اۋا رايى ساقتالادى. كەي جەردە جاڭبىر جاۋادى، سولتۇستىكتە جەكەلەگەن اۋدانداردا نايزاعاي ويناپ، داۋىل سوعىپ، نوسەر جاڭبىر جاۋادى. سولتۇستىكتە تۇندە جانە تاڭەرتەڭ كەي جەردە تۇمان كۇتىلەدى، دەپ حابارلايدى baq.kz اقپارات اگەنتتىگى كازگيدرومەتكە سىلتەمە جاساپ.

سينوپتيكتەردىڭ بولجامى بويىنشا، اقمولا، قىزىلوردا، قوستاناي وبلىستارىنىڭ كەي جەرىندە داۋىل سوعىپ، جەلدىڭ كۇشى 15-25 م/س-عا جەتەدى، كۇندىز بۇرشاق جاۋۋى مۇمكىن.

سولتۇستىك قازاقستان وبلىسىنىڭ كەي جەرىندە داۋىل تۇرىپ، جەلدىڭ كۇشى 15-20 م/س-عا جەتەدى، كۇندىز بۇرشاق جاۋۋى مۇمكىن; تۇندە جانە تاڭەرتەڭ تۇمان كۇتىلەدى.

پاۆلودار، قاراعاندى وبلىستارىنىڭ كەي جەرىندە جەلدىڭ كۇشى 15-20 م/س بولادى، كۇندىز بۇرشاق جاۋۋى مۇمكىن.

باتىس قازاقستان وبلىسى، اتىراۋ، ماڭعىستاۋ، تۇركىستان، شىعىس قازاقستان وبلىستارىندا كۇندىز كەي جەردە جەلدىڭ كۇشى 15-20 م/س-عا جەتەدى.

الماتى، جامبىل، قىزىلوردا، شىعىس قازاقستان، پاۆلودار وبلىستارى، تۇركىستان، قاراعاندى وبلىستارىنىنىڭ كەي جەرىندە قاتتى ىستىق بولادى.

قىزىلوردا، تۇركىستان وبلىستارى، جامبىل، الماتى، اقتوبە، اتىراۋ، ماڭعىستاۋ، قوستاناي، قاراعاندى وبلىستارىنىڭ كەي جەرىندە جوعارى ٴورت ٴقاۋپى ساقتالادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي