BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

قازاقستاندىقتاردىڭ 90 پايىزى ٴالى ۇشاقپەن ۇشىپ كورمەگەن

استانا، baq.kz. بيىلعى جىلدىڭ ون ايىندا اۋە كولىگىمەن 6 ميلليوننان استام جولاۋشى قاتىناعان. بۇل وتكەن جىلدىڭ وسى مەرزىمىمەن سالىستىرعاندا 10 پايىزعا جوعارى. الايدا، ەل ازاماتتارىنىڭ 90 پايىزى ٴالى ۇشاققا مىنبەگەن. سەبەبى، كوپشىلىك ٴۇشىن ۇشاق بيلەتتەرىنىڭ قۇنى قولجەتىمسىز. بۇل تۋرالى almaty.tv ارناسى مالىمدەدى.

ساراپشىلاردىڭ سوزىنشە، اۋە بيلەتىن جەڭىلدىكپەن ساتىپ الۋعا اپتانىڭ ەڭ قولايلى كۇنى – سەيسەنبى، كۇندىزگى ساعات 3-تە ەكەن. ال سارسەنبىدە تۇنگى ساعات 1-دە دە اكسياعا ٴدوپ تۇسە الاسىز. ياعني، سەيسەنبى كۇنى تۇنگى ساعات 12-دەن كەيىن برون جاسالىپ، ساتىپ الىنباعان بيلەت قايتا تاسىمالداۋشىلاردىڭ كومپيۋتەر جۇيەسىنە بۇرىنعىدان تومەن باعادا ەنگىزىلەدى. سونىمەن قاتار، ۇشقاندا ٴبىر اۋە كومپانياسىن، ال قايتار جولدا وزگەسىن تاڭداۋ نەمەسە رەيستى اۋىسىپ وتىرۋ ارقىلى قاراستىرۋعا بولادى.

«جۇما، سەنبى جانە جەكسەنبى كۇندەر ەڭ جولاۋشىلار كوپ بيلەت الاتىن كۇندەر. ال سەيسەنبى، سارسەنبى جانە بەيسەنبى وعان قاراعاندا ۇشامىن دەۋشىلەر باسەڭدەۋ بولاتىن كۇن. قازىرگى كەزدە بانك كارتالارىمەن ساتىپ الۋ كەڭ تارالعان. سەبەبى، ول ارقىلى ساتىپ الساڭ قوسىمشا بونۋستار تۇسەدى»، – دەدى اۋە بيلەتتەرىن برونداۋ كومپانياسىنىڭ باس ديرەكتورى اسحات وماروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي